الماتىدا پوليسيا قىزمەتكەرلەرى پسيحوتروپتىق زاتتاردى تاراتتى دەگەن كۇدىكپەن 22 جاستاعى ەر ادامدى ۇستادى. ونىڭ گاراجىندا جۇرگىزىلگەن ءتىنتۋ كەزىندە كۇتپەگەن جاعداي انىقتالدى: اۆتوبولشەكتەردىڭ ورنىنا ساتۋعا دايىن ۇنتاق ءتارىزدى زات سالىنعان ورامالار ساقتالعان، دەپ حابارلايدى infohub.kz سايتى.
الماتى پوليسيا دەپارتامەنتىنىڭ مالىمەتىنشە، جەدەل-ىزدەستىرۋ ءىس-شارالارى تۇركسىب اۋدانىندا جۇرگىزىلدى. ۇستالعان ادامنىڭ جالدامالى گاراجىنان ساتۋعا دايىندالعان پسيحوتروپتىق زات سالىنعان 70 وراما تابىلدى. ەر ادامنىڭ ءوزى زاكلادچيك بولىپ جۇمىس ىستەگەنىن جانە الماتى قالاسى مەن الماتى وبلىسىنىڭ اۋماعىنداعى تاينيكتەر ارقىلى ەسىرتكى تاراتقانىن مويىندادى. ۇستالعاننان كەيىن ول جابدىقتالعان زاكلادكالاردىڭ ورنىن كورسەتتى.
كەيىنگى تىنتۋلەر بارىسىندا پوليسەيلەر ونەركاسىپ بازاسى اۋدانىنان تاعى 120 ورامانى، ال بايماعامبەتوۆ كوشەسىندەگى ءۇش تاينيكتەن 167 دوزانى الىپ قويدى. بارلىعى زاڭسىز اينالىمنان پسيحوتروپتىق زات بولجامى بار 357 وراما الىندى. وسى فاكتى بويىنشا قىلمىستىق ءىس قوزعالىپ، سوت-حيميالىق ساراپتاما تاعايىندالدى.