الماتىدا پوليسيا قىزمەتكەرلەرى ەر ادام مەن ايەلدى ۇستادى، ولاردىڭ كولىگىنەن بەجەۆىي ءتۇستى ۇنتاق تابىلدى، دەپ حابارلايدى infohub.kz سايتى.
الماتى پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، قالادا ەسىرتكىنىڭ زاڭسىز اينالىمىنا تاعى ءبىر ارەكەتتىڭ جولى كەسىلدى. ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى رايىمبەك داڭعىلىندا Hyundai Accent كولىگىن توقتاتتى. كولىكتە ەر ادام مەن ايەل بولعان. جۇرگىزىلگەن ءىس-شارالار بارىسىندا جولاۋشى ايەلدەن بەجەۆىي ءتۇستى زات ورالعان بۋما تابىلدى. ونىڭ سالماعى شامامەن 700 گراممدى قۇرادى.
كولىكتى تەكسەرۋ كەزىندە پوليسەيلەر ايەلدەر سومكەسىن تاپتى. ىشىندە اق ءتۇستى زات سالىنعان ءۇش zip-پاكەت، كوپتەگەن بوس پاكەتتەر جانە ەلەكتروندى تارازى بولدى. تابىلعان زاتتاردىڭ ءبارى الىنىپ، ساراپتاماعا جىبەرىلدى.
بارلىق كۇدىكتىلەر قاجەتتى پروسەستىك ءىس-شارالاردى جۇرگىزۋ ءۇشىن پوليسيا باسقارماسىنا جەتكىزىلدى. وسى فاكتى بويىنشا قىلمىستىق ءىس قوزعالدى. ءقازىر تەرگەۋ الىنعان زاتتاردىڭ شىعۋ تەگىن جانە ونى مەگاپوليستە تاراتۋ ارناسىن انىقتاپ جاتىر.