الماتى قالالىق مادەنيەت باسقارماسى باسشىسىنىڭ بۇرىنعى ورىنباسارى نايليا مۋليۋكوۆا بيۋدجەت قاراجاتىن ءىرى كولەمدە جىمقىرعانى ءۇشىن سوتتالعان ەدى. ول قاماۋدان بوساتىلدى. سوت وعان جازانىڭ وتەلمەگەن بولىگىن باس بوستاندىعىن شەكتەۋمەن الماستىردى، دەپ حابارلايدى infohub.kz.
ق ر ءىىم قىلمىستىق-اتقارۋ جۇيەسى كوميتەتىنىڭ مالىمەتىنشە، مۋليۋكوۆا بوساتىلعاننان كەيىن پروباسيا قىزمەتىنىڭ ەسەبىنە قويىلدى. ول قازاقستان اۋماعىنان تىس جەرگە شىعۋعا تىيىم سالۋدى قوسا العاندا، بارلىق شەكتەۋلەردى ساقتاۋعا مىندەتتى. پروباسيا قىزمەتىنىڭ قىزمەتكەرلەرى سوت بەلگىلەگەن شەكتەۋلەردىڭ ساقتالۋىن تۇراقتى باقىلاپ، جۇيەلى تۇردە تەكسەرۋ جۇرگىزەدى.
ەسكە سالايىق، 2023 جىلى مۋليۋكوۆا سىبايلاس جەمقورلىققا قاتىستى تەرگەۋگە ىلىككەن ەدى. تەرگەۋ نۇسقاسى بويىنشا، ول «بەزەندىرۋ KZ» جشس-نە باسىمدىق بەرىپ، سەرىكتەستىك 456 ملن تەڭگەگە سەگىز مەملەكەتتىك كەلىسىمشارت العان. ايىپتاۋ تاراپى بيۋدجەت قاراجاتىنىڭ ءبىر بولىگى جالعان كەلىسىمشارتتار مەن قىزمەت قۇنىن اسىرا كورسەتۋ ارقىلى شىعارىلعانىن، مەملەكەتكە كەلتىرىلگەن زالال 92،8 ملن تەڭگەنى قۇراعانىن مالىمدەدى. ناتيجەسىندە بۇرىنعى شەنەۋنىك قاراجاتتى جىمقىرۋ، لاۋازىمدىق وكىلەتتىكتەردى تەرىس پايدالانۋ جانە كاسىپكەرلىك قىزمەتكە زاڭسىز قاتىسۋ فاكتىلەرى بويىنشا كىنالى دەپ تانىلدى.