الماتى ورتالىق ازيانىڭ باس گاسترونوميالىق باعىتىنا اينالىپ كەلەدى. قالا تانىمال Eater باسىلىمىنىڭ «Where to Eat 2026» گاسترونوميالىق باعىتتار تىزىمىنە ەندى، دەپ حابارلايدى infohub.kz.
ءتىزىمدى قۇراستىرۋشىلار الماتىدا سوڭعى بىرنەشە جىلدا ءوڭىردىڭ باس اسپازدارىن بىرىكتىرگەن العاشقى Almaty Food Fest فەستيۆالى وتكەنىن جانە قالانىڭ العاشقى گاسترونوميالىق نۇسقاۋلىعى شىعارىلعانىن ەرەكشە اتاپ ءوتتى.
باسىلىمنىڭ باعالاۋىنشا، مول كەسپەلى بەشبارماق، كلاسسيكالىق قازى، ەتتى سامسا، قۋىرىلعان باۋىرساق پەن قۋىرىلعان لاعمان ارقىلى ساياحاتشىلار جەرگىلىكتى كوشپەلى داستۇرلەردىڭ مۇراسىن، سونداي-اق ۇيعىر، ورىس، وزبەك، كورەي، تۇرىك جانە ءۇندى اسحانالارىنىڭ ىقپالىن سەزىنە الادى. ءداستۇرلى دامدەر ءالى دە جاسىل بازاردا كەڭىنەن ۇسىنىلعان، ال زاماناۋي نەو-كوشپەندى باعىتتاعى مەيرامحانالار ولاردى وزەكتى ينتەرپرەتاسيادا بەرەدى.
«بيىلعى جىلى گاسترونوميالىق ساياحاتتىڭ ۇزدىك باعىتتارىن تاڭداعاندا، ءبىز تەك ەڭ جاقسى مەيرامحانالاردى عانا ەمەس، سونىمەن قاتار ولاردى شىن جۇرەكتەن ۇسىناتىن ادامداردى دا ىزدەدىك. ءبىزدىڭ اۆتورلار وزدەرى جاقسى بىلەتىن ورىنداردى (كوپشىلىگى بۇل جەرلەردى ءوز ءۇيى سانايدى) وسى تىزىمگە ەنگىزدى، ال باس اسپازدار مەن مەيرامحانا يەلەرى ولاردى شابىتتاندىراتىن دۇنيە جۇزىندەگى ءدامدى مەكەمەلەردى ۇسىندى. قازاقتىڭ نەو-كوشپەندى مەرەكەلىك داستارحانى بيىل، ءسوزسىز، كەرەمەت دامدىك ساياحاتتى ۋادە ەتەدى»، – دەپ جازادى باسىلىم.
ايتا كەتەيىك، Eater – مەيرامحانالار مەن گاسترونومياعا ارنالعان الەمدەگى ەڭ ىقپالدى باسىلىمداردىڭ ءبىرى. ونىڭ تىزىمىنە ەنۋ قالانىڭ حالىقارالىق تانىمالدىلىعىن ارتتىرىپ، گاسترونوميالىق ءتۋريزمنىڭ دامۋىنا وڭ اسەر ەتەدى.