الماتىدا كۋاگەرلەر تاڭعاجايىپ جول كورتەجىن بەينەگە ءتۇسىردى: تىركەمەسىندە ۇلكەن راۋشان گۇل شوعى بار گەلەندۆاگەن. بەينە الەۋمەتتىك جەلىلەردە تەز تاراپ، قىزۋ تالقىعا ءتۇستى، دەپ حابارلايدى infohub.kz سايتى.
كادرلاردا تۇنگى قالادا قاراڭعىدا كولىك كەلە جاتقانى، ال تىركەمەدە قىزىل راۋشانداردان جاسالعان الىپ گۇل كومپوزيسياسى ورناتىلعانى كورىنەدى. گۇل شوعىنىڭ ورتاسىندا اق راۋشاندارمەن الۋشىنىڭ اتى — «ميلانا» دەپ جازىلعان.
الەۋمەتتىك جەلىلەردەگى پايدالانۋشىلاردىڭ رەاكسياسى جىنىسىنا قاراي ەكىگە ءبولىندى. قىزدار نەگىزىنەن جىگىتتىڭ جومارتتىعىنا ءتانتى بولىپ، مۇنداي سىيلىق العاندارىنا قۋاناتىندارىن ايتادى. ال ەر ادامدار مۇنداي قادامدى اقشانى بوسقا شاشۋ دەپ ساناپ، سىيلىق بەرۋشىنى ءاجۋالاپ، ونى ايەلىنىڭ ايتقانىنان شىقپايتىن ادام دەپ اتايدى. ءتىپتى ءبىر پىكىر قالدىرۋشى گۇلدىڭ ورنىنا وزىنە جانە اناسىنا پايدالى نارسە ساتىپ الۋدى ۇسىندى.
ايتا كەتەيىك، 14 اقپان نەمەسە 8 ناۋرىز سياقتى مەرەكەلەردەن كەيىن ينتەرنەتتە ۇلكەن قىمبات گۇل شوقتارىن ساتۋ تۋرالى حابارلاندىرۋلار ءجيى پايدا بولادى. مىسالى، OLX پلاتفورماسىندا گۇلدى سىيلىققا العان ايەلدەردىڭ مۇنداي ۇسىنىستارىن كەزدەستىرۋگە بولادى. بۇعان دەيىن Kursiv LifeStyle وسىنداي حابارلاندىرۋلاردىڭ تاڭداۋىن جاريالاعان بولاتىن.
سونىمەن قاتار، قازاقستاندىق مۋزىكانت DASHXX قىزدارعا سىيلاۋعا بولمايتىن گۇل كومپوزيسيالارىنىڭ انتيرەيتينگىن جاسادى. بۇل تىزىمدە ءبىرىنشى ورىندى 101 راۋشاننان تۇراتىن گۇل شوعى الدى.