الماتىدا كانادا ازاماتى قالاداعى مەكەمەلەردىڭ بىرىندە اعىلشىن ءتىلدى ايەلدى ورىس تىلىندە بالاعاتتاپ، كەيىن بەس تاۋلىككە قامالدى، دەپ حابارلايدى infohub.kz.
Threads الەۋمەتتىك جەلىسىندەگى Kzo_travel پاراقشاسىندا ەر ادامنىڭ شەتەلدىك ايەلگە دورەكى سويلەپ جاتقانى بەينەلەنگەن ۆيدەو پايدا بولدى. جاريالانىمدا ايەلدىڭ قاسىندا وتىرعان ەر ادامنىڭ قورلاعانىنا شاعىمدانعانى ايتىلعان. ونىڭ ايتۋىنشا، ول جەرگىلىكتى تۇرعىن ەمەس نەمەسە كوشىپ كەلگەن بولۋى مۇمكىن. ايەل قاۋىپسىزدىك ماقساتىندا بولىپ جاتقان وقيعانى ۆيدەوعا تۇسىرە باستاعان، سودان كەيىن باردىڭ ارتىنا تىعىلىپ، قوعامدىق ورىندا ءوزىن ءقاۋىپسىز سەزىنبەي، جىلاعان.
كادرلاردا ەر ادامنىڭ ايەلگە ورىس تىلىندە بىرنەشە رەت بالاعات سوزدەر ايتقانى، ال ايەلدىڭ وعان اعىلشىن تىلىندە جاۋاپ بەرىپ، اگرەسسيۆتى مىنەز-قۇلقىن كورسەتكەنى كورىنەدى.
NUR.KZ ءتىلشىسى الماتى قالالىق پوليسيا دەپارتامەنتىنىڭ ءباسپاسوز قىزمەتىنە سۇراۋ جىبەردى. وندا وقيعا ابىلاي حان داڭعىلىنداعى مەكەمەلەردىڭ ءبىرىنىڭ جانىندا بولعانىن ءتۇسىندىردى. تەكسەرۋ بارىسىندا ەر ادامنىڭ جەكە باسى انىقتالدى — ول كانادا ازاماتى بولىپ شىقتى. وعان قاتىستى ۇساق بۇزاقىلىق فاكتىسى بويىنشا اكىمشىلىك ءىس قوزعالدى. سوت شەشىمىمەن ول 5 تاۋلىككە اكىمشىلىك قاماۋعا الىندى.