الەۋمەتتىك جەلىلەردە قازاقستاندىقتار الماتى جولدارىندا تۇسىرىلگەن بەينەروليكتى بەلسەندى تۇردە تالقىلاپ جاتىر. بەلگىسىز ەر ادام ءبىر قىزدى قۋىپ، وعان قارۋعا ۇقسايتىن زاتپەن قورقىتقان، دەپ حابارلايدى infohub.kz سايتى.
قازاقستاندىقتىڭ ءوتىنىشىن kris_p_official Instagram پاراقشاسى جاريالادى. قىزدىڭ ايتۋىنشا، 16 تامىزدا بۇل كولىك ونى دوستىق داڭعىلىنان ءال-فارابي داڭعىلىنا دەيىن قۋىپ كەلگەن. سودان كەيىن ول تۇراققا كىرگەندە، جۇرگىزۋشى جولىن كەسىپ، وعان قارۋدى باعىتتاعان. «ونىڭ ويىندا نە بولعانىن بىلمەيمىن، ءبىراق بۇل انىق اۋرۋ نەمەسە ماس ادامنىڭ مىنەز-قۇلقى. سول جەردە تۇرعان قىزمەتكەرلەر بۇل اقپاراتقا ەشقانداي جاۋاپ بەرمەدى. قۇقىق قورعاۋ ورگاندارىنان وسى جۇرگىزۋشىگە قاتىستى شارا قولدانۋدى سۇرايمىن»، — دەپ جازدى الماتىلىق.
جاريالانىمعا الماتى پوليسيا دەپارتامەنتى جاۋاپ بەردى. الەۋمەتتىك جەلىلەردى مونيتورينگىلەۋ بارىسىندا بەلگىسىز ادامنىڭ سىرتقى ءتۇرى اتىس قارۋىنا ۇقسايتىن زاتتى كورسەتىپ تۇرعان بەينەجازبا انىقتالدى. مەدەۋ اۋدانى پوليسيا باسقارماسىنىڭ قىزمەتكەرلەرى كۇدىكتىنى انىقتاپ، ۇستاپ، پوليسياعا جەتكىزدى. كورسەتىلگەن زاتتىڭ ويىنشىق تاپانشا ەكەنى جانە اتىس قارۋىنا جاتپايتىنى انىقتالدى. قۇقىق بۇزۋشىعا قاتىستى ۇساق بۇزاقىلىق فاكتىسى بويىنشا اكىمشىلىك ءىس قوزعالدى. ماتەريالدار سوتقا جىبەرىلدى. سونىمەن قاتار، قۇقىق بۇزۋشىعا قاتىستى جول ءجۇرۋ ەرەجەلەرىن بۇزۋ فاكتىسى بويىنشا اكىمشىلىك ءىس قوزعالدى.
پوليسيا سىرتقى ءتۇرى قارۋعا ۇقسايتىن زاتتاردى، ءتىپتى ويىنشىق بولسا دا، قوعامدىق ورىنداردا كورسەتۋگە بولمايتىنىن اتاپ ءوتتى. مۇنداي ارەكەتتەر ازاماتتار اراسىندا دۇربەلەڭ تۋدىرۋى مۇمكىن جانە پوليسيانىڭ دەرەۋ ارەكەت ەتۋىن تالاپ ەتەدى.