الماتىدا ەكونوميكالىق كونتراباندا جانە كەدەندىك تولەمدەردى تولەمەگەنى ءۇشىن قازاقستاننىڭ ەكى ازاماتى ۇستالدى. مەملەكەتكە كەلتىرىلگەن زالال 2،7 ملرد تەڭگەدەن اسادى، دەپ حابارلايدى infohub.kz سايتى.
باس پروكۋراتۋرانىڭ مالىمەتىنشە، قىلمىستىق ءىستى تەرگەۋ بارىسىندا ۇيىمداسقان قىلمىستىق توپتىڭ (ۇقت) مۇشەلەرى مەملەكەتكە 2،7 ملرد تەڭگەدەن استام زالال كەلتىرگەنى انىقتالدى. ىستە 37 كومپانيا بار، الايدا تەرگەۋ نەگىزگى زالالدى ءدال وسى ەكى اففيليرلەنگەن كومپانيا — «Metlink» جانە «Urban Green» كەلتىرگەنىن انىقتادى.
قاداعالاۋ ورگانىنىڭ حابارلاۋىنشا، 2026 جىلعى 5 تامىزدا قپك-نىڭ 128–132-باپتارى تارتىبىمەن قك-نىڭ 262-بابىنىڭ 1، 2-بولىكتەرى — ۇيىمداسقان توپتى باسقارۋ جانە ونىڭ قىزمەتىنە قاتىسۋ، 234-بابىنىڭ 3-بولىگىنىڭ 2-تارماعى — قىلمىستىق توپ جاساعان ەكونوميكالىق كونتراباندا جانە 236-بابىنىڭ 3-بولىگى — قىلمىستىق توپ جاساعان كەدەندىك تولەمدەردى تولەمەۋ باپتارى بويىنشا قىلمىس جاسادى دەگەن كۇدىكپەن ق ر ازاماتتارى «ش» جانە «ا» ۇستالدى. ولار الماتى قالاسى پد-نىڭ ۋاقىتشا ۇستاۋ يزولياتورىنا قامالدى.
2026 جىلعى 7 تامىزدا تەرگەۋ سوتى اتالعان ادامدارعا قاتىستى بۇلتارتپاۋ شاراسى رەتىندە قاماۋدا ۇستاۋدى سانكسيالادى. قپك-نىڭ 201-بابىنا سايكەس وزگە اقپارات جاريالاۋعا جاتپايتىنى اتاپ ءوتىلدى.