الماتىدا 20-26 تامىز ارالىعىندا مۇراتبايەۆ پەن كۇرمەت كوشەلەرىندە جول جوندەۋ جۇمىستارىنا بايلانىستى كولىك قوزعالىسى ءىشىنارا شەكتەلەدى، دەپ حابارلايدى infohub.kz سايتى.
قالا اكىمدىگىنىڭ مالىمەتىنشە، مۇراتبايەۆ پەن كۇرمەت كوشەلەرىنىڭ جەكەلەگەن ۋچاسكەلەرىندە ورتاشا جوندەۋ جۇمىستارى جۇرگىزىلەدى. وسىعان بايلانىستى 20 تامىز ساعات 08:00-دەن 26 تامىز ساعات 08:00-گە دەيىن كولىك قوزعالىسىنا شەكتەۋ ەنگىزىلەدى: مۇراتبايەۆ كوشەسىندە رايىمبەك باتىر داڭعىلىنان ماقاتايەۆ كوشەسىنە دەيىنگى ۋچاسكە، ال كۇرمەت كوشەسىندە دوستىق داڭعىلىنان تۇيىق كوشەگە دەيىنگى ۋچاسكە جابىلادى.
«جوندەۋ ءجۇرىپ جاتقان ۋچاسكەلەردە ەسكەرتۋ بەلگىلەرى مەن مەردىگەر ۇيىم باسشىسىنىڭ بايلانىس اقپاراتى جازىلعان ستەندتەر قويىلادى. ءوز باعدارىڭىزدى الدىن الا جوسپارلاۋدى سۇرايمىز»، — دەپ ەسكەرتتى قالا تۇرعىندارى مەن قوناقتارىنا.
بۇگىن سونداي-اق جاندوسوۆ كوشەسىندە 19 تامىزدان 23 تامىزعا دەيىن كولىك قوزعالىسى ءىشىنارا شەكتەلەتىنى حابارلانعان بولاتىن.