الماتىدا الداعى دەمالىس كۇندەرى جەڭىل رەلستى كولىك (LRT) قۇرىلىسىنا جانە جوندەۋ جۇمىستارىنا بايلانىستى بىرنەشە جول ۋچاسكەسىندە ۋاقىتشا شەكتەۋلەر ەنگىزىلەدى، دەپ حابارلايدى infohub.kz سايتى.
الماتى قالالىق اكىمدىگىنىڭ ءباسپاسوز قىزمەتىنەن ءمالىم ەتكەندەي، 29 تامىز ساعات 08:00-دەن 30 تامىز ساعات 16:00-گە دەيىن ابىلاي حان داڭعىلىنىڭ تولە بي كوشەسىنەن گوگول كوشەسىنە دەيىنگى ۋچاسكەسىندە جول قوزعالىسى تولىعىمەن جابىلادى. بۇل LRT جوباسىن ىسكە اسىرۋ اياسىندا ينجەنەرلىك جەلىلەردى قايتا جاڭارتۋعا بايلانىستى.
«جوندەلىپ جاتقان ۋچاسكەدە ەسكەرتۋ بەلگىلەرى قويىلادى. ءوز باعىتىڭىزدى الدىن الا جوسپارلاۋدى سۇرايمىز»، — دەپ اتاپ ءوتتى اكىمدىكتە.
سونىمەن قاتار، وسى دەمالىس كۇندەرى شايمەردەنوۆ كوشەسىنىڭ جاندوسوۆ كوشەسىنەن سەيدىمبەك كوشەسىنە دەيىنگى ۋچاسكەسى دە ۋاقىتشا جابىلادى. شەكتەۋ 29 تامىز ساعات 06:00-دەن 30 تامىز ساعات 13:00-گە دەيىن جۇمىس ىستەيدى. بۇل LRT قۇرىلىسىنا ەمەس، جول توسەمىنىڭ ورتاشا جوندەۋىنە بايلانىستى.
قالا بيلىگى مەگاپوليس تۇرعىندارى مەن قوناقتارىن ۋاقىتشا قولايسىزدىقتاردى ەسكەرە وتىرىپ، ساپارلارىن الدىن الا جوسپارلاۋعا شاقىرادى.