الماتىدا 3-14 تامىز ارالىعىندا جىلۋ جەلىلەرىنىڭ گيدراۆليكالىق سىناقتارى وتەدى، وسىعان بايلانىستى قالا تۇرعىندارى مەن قوناقتارى ساقتىق شارالارىن ساقتاۋعا جانە جارىلىس بولعان جاعدايدا ءقاۋىپتى ايماقتاردى دەرەۋ تاستاپ كەتۋگە شاقىرىلادى... دەپ حابارلايدى infohub.kz سايتى.
وڭتۇستىك استانا اكىمدىگىنىڭ مالىمەتىنشە، تەكسەرۋدىڭ ەكىنشى كەزەڭى قالانىڭ جەتى اۋدانىن قامتيدى. سىناقتار كۇن سايىن تاڭعى 04:00-دەن 07:00-گە دەيىن جۇرگىزىلەدى.
جۇمىستار جۇرگىزىلىپ جاتقان كەزەڭدە سۋدىڭ جەر بەتىنە شىعۋى، سونداي-اق جول توسەمىنىڭ ءىشىنارا بۇزىلۋى مۇمكىن. وسىعان بايلانىستى بيلىك ازاماتتاردى ساق بولۋعا جانە ىقتيمال جارىلىس ورىندارىنا جاقىنداماۋعا قاتاڭ تۇردە كەڭەس بەرەدى.
«مۇنداي جاعدايلار تۋىنداعان كەزدە ءقاۋىپتى ايماقتى تاستاپ كەتىپ، بۇل تۋرالى «الماتى جىلۋ جەلىلەرى» جشس-نە نەمەسە 109 نومىرىنە حابارلاۋ قاجەت»، — دەپ اتاپ ءوتتى اكىمدىكتە.
گيدراۆليكالىق سىناقتار جىلۋ ماۋسىمىنا دايىندىق اياسىندا جىلۋ جەلىلەرىنىڭ جاي-كۇيىن تەكسەرۋ جانە جوندەۋدى قاجەت ەتەتىن ۋچاسكەلەردى انىقتاۋ ءۇشىن جۇرگىزىلەدى.
ەسكە سالايىق، سىناقتاردىڭ ءبىرىنشى كەزەڭى 2026 جىلدىڭ 12-15 مامىرىندا وتكەن بولاتىن. سوندا دا تۇرعىنداردى ىقتيمال جارىلىس ورىندارىنا جاقىنداماۋعا جانە سالدارىن ءوز بەتىنشە جويۋعا تىرىسپاۋعا شاقىرعان ەدى.
جۇمىستار جۇرگىزىلگەنىنە قاراماستان، سىناق ايماقتارىنداعى تۇرعىندار ءۇشىن ىستىق سۋ بەرۋ توقتاتىلعان جوق.
بۇعان دەيىن «كۋرسيۆ» ستەپنوگورسك پەن كوكشەتاۋدا توزعان جىلۋ جەلىلەرىن 3،9 ملرد تەڭگەگە جاڭارتاتىنىن جازعان بولاتىن.