الماتى وبلىسىندا بۋكمەكەرلىك كەڭسەلەردىڭ شوتتارىنا ءىرى سومالار اۋدارىپ، جۇيەلى تۇردە قۇمار ويىندارعا قاتىسقان 20 جەكە سوت ورىنداۋشىسى انىقتالدى. وپەراسيالاردىڭ جالپى سوماسى شامامەن 180 ملن تەڭگەنى قۇرادى، دەپ حابارلايدى infohub.kz سايتى.
وبلىس پروكۋراتۋراسىنىڭ رەسمي سايتىندا حابارلانعانداي، تەكسەرۋ بارىسىندا ولاردىڭ بىرەۋى ءۇش جىل ىشىندە ويىن شوتىنا 139 ملن تەڭگە، ال ەكىنشىسى 26 ملن تەڭگە اۋدارعانى انىقتالدى. ۆەدومستۆو مۇنداي كولەمدەگى اقشا قاراجاتىمەن قوعامدىق ماڭىزى بار فۋنكسيالاردى اتقاراتىن ادامداردىڭ قۇمار ويىندارعا قاتىسۋى كاسىبي ەتيكا تالاپتارىنا قايشى كەلەتىنىن جانە ادالدىق قاعيداتتارىنىڭ ساقتالۋىنا كۇمان كەلتىرەتىنىن اتاپ ءوتتى.
تەكسەرۋ قورىتىندىسى بويىنشا پروكۋرورلىق ىقپال ەتۋ اكتىلەرى زاڭدا كوزدەلگەن شارالاردى قابىلداۋ ءۇشىن ادىلەت دەپارتامەنتى مەن جەكە سوت ورىنداۋشىلاردىڭ وڭىرلىك پالاتاسىنا ەنگىزىلدى.