الماتى وبلىسى تالعار اۋدانىنىڭ تاۋلارىنان بەلگىسىز ادامنىڭ ءمايىتى تابىلدى. ول تۋريستەر تاراپىنان سەۆەرسيەۆ مۇزدىعى ماڭىنان تابىلىپ، قۇتقارۋشىلارعا حابارلانعان. تجم قىزمەتكەرلەرى قازا تاپقان ادامدى شامامەن 3400 مەتر بيىكتىكتەن ەۆاكۋاسيالادى، دەپ حابارلايدى infohub.kz.
توتەنشە جاعدايلار مينيسترلىگىنىڭ ءباسپاسوز قىزمەتىنىڭ مالىمەتىنشە، قۇتقارۋشىلار وقيعا ورنىنا جەتىپ، قيىن جەردەگى تاۋ بولىگىنەن ءمايىتتى ەۆاكۋاسيالاعان. ونى جەتكىزۋ ءۇشىن «قازاۆياقۇتقارۋ» اق تىكۇشاعى جۇمىلدىرىلدى.
جۇمىس اياقتالعان سوڭ، قازا تاپقان ادام الماتى وبلىسىنىڭ تەرگەۋ-جەدەل توبىنا تاپسىرىلدى. ماماندار ادامنىڭ جەكە باسىن جانە وقيعانىڭ ءمان-جايىن انىقتاۋى ءتيىس.
ۆەدومستۆو تاۋعا شىعۋ كەزىندە قاۋىپسىزدىك شارالارىن ەسكە سالدى: مارشرۋتتى الدىن الا زەرتتەۋ، اۋا رايىن ەسكەرۋ، ءوز فيزيكالىق مۇمكىندىكتەرىڭدى جانە دايىندىق دەڭگەيىڭدى وبەكتيۆتى باعالاۋ. جاقىندارىڭا جوسپارلانعان مارشرۋت پەن قايتۋ ۋاقىتى تۋرالى حابارلاۋ، قالتاڭدا زاريادتالعان تەلەفون، بايلانىس قۇرالدارى جانە قاجەتتى جابدىق بولۋى ۇسىنىلادى.
توتەنشە جاعداي تۋىنداعان كەزدە 112 نومىرىنە دەرەۋ حابارلاسۋ قاجەت.
بۇعان دەيىن الماتى وبلىسى تالعار اۋدانىنداعى سەۆەرسيەۆ مۇزدىعىندا بەلارۋس تۋريستەرى ادام قالدىقتارى مەن تۋريستىك جابدىقتاردى تاپقانى حابارلانعان. الماتى تجد مالىمەتىنشە، اقپارات وڭدەۋگە قابىلدانعان.