الماتىدا 12 قاباتتى تۇرعىن ۇيدە ءورت بولىپ، قۇتقارۋشىلار 100-گە جۋىق ادامدى ەۆاكۋاسيالادى. وقيعا الاتاۋ اۋدانىنىڭ دارابوز شاعىن اۋدانىندا بولدى، دەپ حابارلايدى infohub.kz.
كۋاگەرلەر Kris_p_almaty_official Telegram-ارناسىندا عيماراتتىڭ جوعارعى بولىگىنەن كوتەرىلگەن قويۋ ءتۇتىندى كورسەتەتىن بەينەجازبا جاريالادى. ءۇي مەكتەپتىڭ قاراما-قارسىسىندا ورنالاسقانى اتاپ وتىلەدى.
قازاقستان رەسپۋبليكاسى توتەنشە جاعدايلار مينيسترلىگىنىڭ ءباسپاسوز قىزمەتى ءورت تۋرالى سيگنال كەزەكشى پۋلتىنە 16:49-دە تۇسكەنىن حابارلادى. وقيعا ورنىنا كەلگەن قۇتقارۋشىلار 11-قاباتتاعى پاتەرلەردىڭ ءبىرىنىڭ اس ۇيىندە اشىق جانۋ بولعانىن انىقتادى.
تجم قىزمەتكەرلەرى دەرەۋ بارلاۋ، ادامداردى قۇتقارۋ جانە ەۆاكۋاسيالاۋ جۇمىستارىنا كىرىستى. گازتۇتىننەن قورعاۋ قىزمەتىنىڭ بۋىندارى باسپالداقتارمەن قۇتقارۋ قالپاقتارىن پايدالانىپ، 10 ادامدى، ونىڭ ىشىندە ءتورت بالانى قۇتقاردى. سونداي-اق 100-گە جۋىق ادام ەۆاكۋاسيالاندى.
ءورت تولىعىمەن ءسوندىرىلدى، زارداپ شەككەندەر جوق. ءورتتىڭ سەبەپتەرى انىقتالىپ جاتىر.