الماتىدا قالا بويىنشا تاپانشاعا ۇقسايتىن زاتپەن جۇرگەن جۇرگىزۋشى پوليسيا نازارىنا ءىلىنىپ، ۇستالدى. تەكسەرۋ بارىسىندا تاپانشانىڭ ويىنشىق ەكەنى انىقتالدى، دەپ حابارلايدى infohub.kz سايتى.
الماتى قالالىق پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، الەۋمەتتىك جەلىلەردى مونيتورينگىلەۋ بارىسىندا جۇرگىزۋشىنىڭ قارۋعا ۇقسايتىن زاتتى كورسەتكەن بەينەجازبا انىقتالعان.
«مەدەۋ اۋدانى پوليسيا باسقارماسىنىڭ قىزمەتكەرلەرى كۇدىكتىنى انىقتاپ، ۇستاپ، پوليسياعا جەتكىزدى. كورسەتىلگەن زاتتىڭ ويىنشىق تاپانشا ەكەنى جانە اتىس قارۋىنا جاتپايتىنى انىقتالدى. قۇقىق بۇزۋشىعا قاتىستى ۇساق بۇزاقىلىق فاكتىسى بويىنشا اكىمشىلىك ءىس قوزعالىپ، ماتەريالدار سوتقا جىبەرىلدى»، – دەپ حابارلادى دپ-دان.
سونداي-اق، قۇقىق بۇزۋشىعا قاتىستى جول ءجۇرۋ ەرەجەلەرىن بۇزۋ فاكتىسى بويىنشا دا اكىمشىلىك ءىس قوزعالعانى اتاپ ءوتىلدى.
«قوعامدىق ورىنداردا قارۋعا ۇقسايتىن زاتتاردى، ءتىپتى ويىنشىق بولسا دا، كورسەتۋگە بولمايدى. مۇنداي ارەكەتتەر ازاماتتار اراسىندا دۇربەلەڭ تۋدىرۋى مۇمكىن جانە پوليسيانىڭ دەرەۋ ارەكەت ەتۋىن تالاپ ەتەدى»، – دەپ اتاپ ءوتتى دپ-دا.