الماتىلىق كۋرەر 3 مىڭ دوللاردىڭ الاياقتارعا ءوتىپ كەتۋىنە جول بەرمەدى. وسى ءۇشىن ونى پوليسيا ماراپاتتادى. الماتى پوليسيا دەپارتامەنتى كۇدىكتى بايقاپ، دەرەۋ حابارلاعان نارتاي ەسىمحانوۆتى ماراپاتتادى. بۇل تۋرالى infohub.kz حابارلايدى.
وقيعا وتكەن اپتادا بولدى: زەينەتكەر ايەل تەلەفون الاياقتارىنا سەنىپ، جيعان-تەرگەنىن كۋرەر ارقىلى جىبەرمەك بولعان. ولار ونى «دەكلاراسيالاۋ» كەرەكتىگىن ايتىپ الداعان. ايەل كۋرەر شاقىرتقان، ءبىراق جىگىت ونىڭ قاتتى ۋايىمداپ، سولەمنىڭ ىشىندە نە بار ەكەنىن ايتقىسى كەلمەي تۇرعانىن بايقاعان. سودان نارتاي ەسىمحانوۆ دەرەۋ پوليسياعا حابارلاسقان.
انىقتالعانداي، پاكەتتىڭ ىشىندە 3 مىڭ دوللار بولعان. ۋاقتىلى حابارلاۋدىڭ ارقاسىندا اقشانىڭ ءبارى يەسىنە قايتارىلدى. الماتى پد باستىعى ايدىن قابدۋلدينوۆ كۋرەرگە العىس حات پەن ەستەلىك سىيلىق تابىستادى.
«اجەيدىڭ كوزىنە قاراسام، ونىڭ قاتتى قورقىپ تۇرعانىن ءتۇسىندىم. شىنىمەن ايادىم. سول ساتتە ءوز انام ەسىمە ءتۇستى: ونىڭ ورنىندا انام بولسا شە؟ دەپ ويلادىم. سوندىقتان دەرەۋ پوليسياعا حابارلاۋعا بەل بۋدىم. دۇرىس ءىس جاسادىم دەپ سانايمىن»، — دەدى نارتاي ەسىمحانوۆ.