الماتىدا پوليسەي كىشكەنتاي بالانى قۇتقارۋ ءۇشىن التىنشى قاباتتىڭ بالكونىنا كوتەرىلۋگە ءماجبۇر بولدى، دەپ حابارلايدى infohub.kz.
الماتى پوليسيا دەپارتامەنتىنىڭ Instagram-پاراقشاسىندا كورشىلەر كوپقاباتتى ءۇيدىڭ ءبىر پاتەرىندە قاتتى جانجال بولعانىن حابارلاعانى ايتىلعان. وقيعا ورنىنا كەلگەن ءتارتىپ ساقشىلارى ەسىكتەن ىشكە كىرە المادى — ەشكىم اشپادى.
الايدا تەرەزەدەن ءتارتىپ ساقشىلارى جاس بالانى كوردى. ەرەسەكتەر ونى تەرەزەگە جاقىنداتىپ، جاعداي كەز كەلگەن ساتتە باقىلاۋدان شىعىپ كەتۋى مۇمكىن ەدى. پاترۋل جەتىنشى قاباتقا كوتەرىلىپ، بالكون ارقىلى تومەنگى قاباتقا ءتۇستى. بالكونعا شىققان پوليسەي پاتەرگە كىرىپ، بالانىڭ قاۋىپسىزدىگىن قامتاماسىز ەتتى.
كەيىن ايەل كىرەبەرىس ەسىكتىڭ كىلتتەرىن جاسىرعانى بەلگىلى بولدى. وقيعا ورنىنا قۇتقارۋشىلار دا كەلىپ، پاتەردىڭ ەسىگىن اشتى.
الدىن الا مالىمەتتەر بويىنشا، ايەل ماساڭ كۇيدە بولعان. ەرلى-زايىپتىلار اراسىندا تاعى ءبىر جانجال بولعان. ءقازىر بۇل فاكتى بويىنشا تەكسەرۋ جۇرگىزىلىپ، وقيعانىڭ بارلىق ءمان-جايى انىقتالۋدا، دەپ قوستى الماتى پوليسيا دەپارتامەنتى.