Алматыдағы Республика сарайында Республика күніне арналған салтанатты концерт өтті. Мерекелік бағдарламаға танымал қазақстандық әртістер, шығармашылық ұжымдар мен өнер қайраткерлері қатысты, деп хабарлайды infohub.kz сайты.
Алматы әкімдігінің баспасөз қызметінің мәліметінше, концерттік бағдарлама музыка, хореография, поэзия мен заманауи сахналық қойылымдарды біріктіріп, көрермендерге жарқын әсер мен ұмытылмас лебіз сыйлады.
Сахнада Қазақстанның халық әртісі Роза Рымбаева, Рамазан Стамғазиев, Тамара Асар, Дастан Оразбеков, Медеу Арынбаев, Мейрамбек Беспаев, Ғазизхан Шекербеков, Берқұт пен Айша, «МузАрт лайф» тобы және басқа да танымал орындаушылар өнер көрсетті. Олардың орындауында туған өлке, туған ел мен Алматыға арналған әндер шырқалды.
Концерттік бағдарламадан Отанға деген сүйіспеншілік, халықтың бірлігі мен ынтымағы, тәуелсіздіктің қадірі мен ұлттық дәстүрлерді сақтау тақырыптары көрініс тапты.
Жарқын музыкалық нөмірлер мен әсерлі сахналық қойылымдар көрермендердің бойында патриоттық сезім оятып, нағыз мереке атмосферасын сыйлады.