الماتىدا قايرات ساتىبالدى ۇلىنا تيەسىلى بولىپ، كەيىن قالاعا سىيعا تارتىلعان بۇرىنعى قوناق ءۇي عيماراتى ساۋداعا قويىلدى، دەپ حابارلايدى infohub.kz.
الماتى قالاسىنىڭ مەملەكەتتىك م ۇلىك جانە جەكەشەلەندىرۋ دەپارتامەنتى ەلەكتروندى ساۋدا پورتالىندا المالى اۋدانىنداعى دوسمۇحامەدوۆ كوشەسى، 115 مەكەنجايىندا ورنالاسقان بۇرىنعى قوناق ءۇي كەشەنىنىڭ عيماراتىن ساتۋ تۋرالى حابارلاندىرۋ جاريالادى. لوتتىڭ باستاپقى باعاسى — 12 759 410 000 تەڭگە. ساۋدا-ساتتىق 25 قىركۇيەك ساعات 10:00-گە بەلگىلەنگەن. بۇل رەتتە نىساندى ساۋداعا جالعىز قاتىسۋشىعا ساتۋعا جول بەرىلەدى.
بۇعان دەيىن مەملەكەتتىك م ۇلىك جانە جەكەشەلەندىرۋ دەپارتامەنتى 2023 جىلعى تامىزدا سىيعا تارتۋ شارتى نەگىزىندە قوناق ءۇيدىڭ مەملەكەت كىرىسىنە وتكەنىن حابارلاعان بولاتىن. سول جىلدىڭ قىركۇيەگىندە ول سوت اكىمشىلىگى دەپارتامەنتىنىڭ بالانسىنا بەرىلدى.
جەلىدە عيماراتتى بۇزۋى مۇمكىن دەگەن اقپارات تاراعان ەدى، الايدا قالا اكىمدىگى NUR.KZ ءتىلشىسىنىڭ ساۋالىنا بۇرىنعى قوناق ءۇيدىڭ بۇزىلمايتىنىن جەتكىزدى. سونىمەن قاتار، جوبا اياقتالعاننان كەيىن عيمارات جەر تەلىمىمەن بىرگە «الماتى قالاسىنىڭ سيفرلاندىرۋ باسقارماسى» كوممۋنالدىق مەملەكەتتىك مەكەمەسىنە بەرىلەتىنى ايتىلدى. اكىمدىك جاۋابىندا: «بۇدان ءارى نىسان سيفرلاندىرۋ جانە جاساندى ينتەللەكتتى دامىتۋ سالاسىنداعى مەملەكەتتىك باعدارلامالاردى ىسكە اسىرۋ، سونداي-اق IT، AI، كرەاتيۆتى يندۋستريا جانە باسقا دا ساباقتاس باعىتتاردا جۇمىس ىستەيتىن رەزيدەنتتەردى ورنالاستىرۋ ءۇشىن پايدالانىلاتىن بولادى»، — دەلىنگەن.
ەسكە سالايىق، 2022 جىلعى قىركۇيەكتە سوت ساتىبالدى ۇلىن ۇرلىق ءىسى بويىنشا كىنالى دەپ تانىپ، ونى ورتاشا قاۋىپسىزدىك مەكەمەسىندە جازاسىن وتەۋمەن التى جىلعا باس بوستاندىعىنان ايىرۋعا سوتتاعان ەدى. كەيىن وعان مەرزىمىنەن بۇرىن شارتتى تۇردە بوساتۋدان باس تارتىلدى.
ساتىبالدى ۇلىنىڭ ءىسى بويىنشا جاڭا سوت پروسەسى 2024 جىلعى 1 ساۋىردە استانادا باستالدى. تىڭداۋدا ايىپتالۋشىنىڭ رەسەيدەگى، باا-دەگى، فرانسياداعى جانە قازاقستانداعى مۇلكى تۋرالى ايتىلدى. كەيىن ساتىبالدى ۇلىنا مەملەكەتكە جىلجىمايتىن م ۇلىك پەن ليۋكس اۆتوكولىكتەردى قايتارۋعا ۋاقىت بەرىلگەنى بەلگىلى بولدى. پروكۋرور نۇرماحانوۆ ساتىبالدى ۇلى تاراپىنىڭ مەملەكەتكە قىلمىستىق اكتيۆتەردى قايتارۋعا كەلىسكەنىن حابارلادى.
انتيكوردا قايرات ساتىبالدى ۇلىنىڭ ءىسى بويىنشا تاعى 50 ملرد تەڭگە قايتارىلاتىنى ايتىلعان ەدى. 2024 جىلعى تامىزدا انتيكوردا ساتىبالدى ۇلىنىڭ مەملەكەتكە ناقتى نە قايتارعانى تۋرالى ايتىلدى. كەيىن باس پروكۋراتۋرادا تاعى 50 ملرد تەڭگەگە م ۇلىك مەملەكەتكە قايتارىلاتىنى حابارلاندى.