الماتى اكىمدىگى ءماسليحاتتىڭ تۇرعىلىقتى جەرى بويىنشا تىركەلۋدىڭ جاڭا نورماتيۆتەرىن بەلگىلەيتىن شەشىم جوباسىن قوعامدىق تالقىلاۋعا شىعاردى. قۇجات «اشىق نقا» پورتالىندا جاريالانعان، دەپ حابارلايدى infohub.kz.
«الماتى قالاسى اۋماعىندا تۇرعىلىقتى جەرى جانە ۋاقىتشا بولاتىن (تۇراتىن) جەرى بويىنشا تىركەلۋ ءنورماتيۆىن بەكىتۋ تۋرالى» دەپ اتالاتىن جوبانى اكىمدىك ازىرلەگەن. قالا تۇرعىندارى تالقىلاۋعا 26 تامىزعا دەيىن قاتىسا الادى.
اكىمدىكتە بۇل باستاما حالىقتى ەسەپكە الۋ جۇيەسىن جەتىلدىرۋگە، كوشى-قون پروسەستەرىن باقىلاۋدى قامتاماسىز ەتۋگە، سونداي-اق مەملەكەتتىك قىزمەتتەردى جوسپارلاۋ مەن كورسەتۋ تيىمدىلىگىن ارتتىرۋعا باعىتتالعانىن ءتۇسىندىردى. «جوبانىڭ ماقساتى — تىركەلۋ پروسەستەرىن رەتكە كەلتىرۋ، ينفراقۇرىلىمدىق جانە الەۋمەتتىك جۇكتەمەنى جوسپارلاۋدى جاقسارتۋ، سونداي-اق تۇراقتى تۇراتىن جانە ۋاقىتشا كەلەتىن ازاماتتارعا مەملەكەتتىك قىزمەتتەردى كورسەتۋ تيىمدىلىگىن ارتتىرۋ»، — دەپ اتاپ ءوتتى ۆەدومستۆودا.
Krisha.kzء-تىڭ حابارلاۋىنشا، قۇجات پاتەردە نەمەسە ۇيدە تىركەلۋگە بولاتىن ازاماتتار سانىن شەكتەۋدى كوزدەيدى. نورماتيۆ تۇراقتى جانە ۋاقىتشا تىركەلۋ ءۇشىن بەلگىلەنبەك: ءبىر تىركەلگەن ادامعا كەمىندە 15 شارشى مەتر اۋدان تيەسىلى بولۋى كەرەك. مىسالى، اۋدانى 60 شارشى مەتر پاتەرگە مەنشىك يەسىنىڭ وتباسى مۇشەلەرى مەن جاقىن تۋىستارىنان باسقا تەك ءتورت ادامدى تىركەۋگە بولادى — ولارعا شەكتەۋ قولدانىلمايدى. مۇنداي قاعيدات استانادا قولدانىلىپ كەلەدى.