الماتىدا كۋاگەرلەر جاپپاي توبەلەستى بەينەگە ءتۇسىرىپ، جازبانى الەۋمەتتىك جەلىلەردە جاريالادى. پوليسيا وقيعانىڭ بارلىق قاتىسۋشىلارىن جەدەل انىقتاپ، جاۋاپكەرشىلىككە تارتتى، دەپ حابارلايدى infohub.kz سايتى.
كەشە Instagram-داعى almatinec_live اككاۋنتىندا «تەرەمكي» تۇرعىن ءۇي كەشەنىنىڭ ماڭىندا بولعان توبەلەس تۋرالى اقپارات پايدا بولدى. كۋاگەرلەر وقيعانىڭ بەينەجازباسىن دا جاريالادى. حابارلامادا ءتورت جاس جىگىت ەكى ادامعا شابۋىل جاساپ، زارداپ شەككەندەردىڭ ءبىرى ەسىن جوعالتقانى ايتىلعان.
الماتى پوليسيا دەپارتامەنتىنىڭ ءباسپاسوز قىزمەتى 4 تامىزدا ساعات 03:50 شاماسىندا بولعان تۇنگى جانجالعا بەس ەر ادام قاتىسقانىن ناقتىلادى. «ءبىر-بىرىن تانيتىن بەس ەر ادام قوعامدىق ورىندا سوزگە كەلىپ، تۇرعىنداردىڭ تىنىشتىعىن بۇزىپ، داۋىستاپ بالاعات سوزدەر ايتقان. وقيعانىڭ بارلىق قاتىسۋشىلارى انىقتالىپ، جاۋاپكەرشىلىككە تارتىلدى. ولاردىڭ ەكەۋى قوعامدىق ورىندا ماس كۇيىندە جۇرگەنى ءۇشىن ايىپپۇل تولەدى. بەسەۋىنە قاتىستى ۇساق بۇزاقىلىق فاكتىسى بويىنشا اكىمشىلىك ماتەريالدار جينالىپ، پروسەسسۋالدىق شەشىم قابىلداۋ ءۇشىن سوتقا جىبەرىلدى»، — دەپ اتاپ ءوتتى الماتى قالالىق پوليسيا دەپارتامەنتىندە.
پوليسيا قوعامدىق ءتارتىپتىڭ كەز كەلگەن بۇزىلۋى، اسىرەسە تۇرعىن الاپتاردا جانە تۇنگى ۋاقىتتا، مىندەتتى تۇردە قۇقىقتىق باعا الاتىنىن ەسكەرتەدى.