20 تامىزدا الماتى تۇرعىندارىنىڭ ءبىر بولىگى ەلەكتر قۋاتىنسىز قالدى. «الاتاۋ جارىق كومپانياسى» اق اۆاريالىق ءوشىرۋدىڭ سەبەبىن ءتۇسىندىرىپ، قالپىنا كەلتىرۋ جۇمىستارىنىڭ بارىسى تۋرالى حابارلادى، دەپ حابارلايدى infohub.kz سايتى.
كومپانيانىڭ رەسمي سايتىنداعى ينتەراكتيۆتى كارتاعا سايكەس، قازىرگى ۋاقىتتا قالانىڭ بىرنەشە اۋدانىندا تۇرعىندار جارىقسىز قالعان. كوك تۇسپەن بەلگىلەنگەن جوسپارلى وشىرۋلەردەن بولەك، كەيبىر اۋدانداردا اۆاريالىق ءوشىرۋ بولعان. ماسەلەن، المالى اۋدانىندا تۇركەبايەۆ، رايىمبەك، روزىباكييەۆ، بوگەنباي باتىر كوشەلەرىنىڭ قيىلىسىنداعى ۇيلەر، سونداي-اق جەتىسۋ اۋدانىنداعى سەريكوۆ، وماروۆ كوشەلەرى، شاعىن اۋدان جانە سەلسكايا، جۇمابايەۆ، سەيفۋللين، بەسپاكوۆ كوشەلەرىنىڭ تۇرعىندارى جارىقسىز قالدى.
«الاتاۋ جارىق كومپانياسى» NUR.KZ تىلشىسىنە حابارلاعانداي، 20 تامىزدا الماتىنىڭ ءبىرقاتار اۋدانىندا ەلەكتر قۋاتىنىڭ ۋاقىتشا ءوشىرىلۋى تىركەلدى. المالى اۋدانىندا ساعات 16:20-دا تۇركەبايەۆ، روزىباكييەۆ، بوگەنباي باتىر كوشەلەرى مەن رايىمبەك داڭعىلى ماڭىندا ەلەكتر قۋاتى ۋاقىتشا ءوشىرىلدى. سەبەپ — تاراتۋ پۋنكتىنىڭ ەكى ياچەيكاسىنىڭ زاقىمدانۋى.
كومپانيا ماماندارى دەرەۋ جۇمىسقا كىرىستى. قازىرگى ۋاقىتتا ەلەكتر قۋاتىن تولىق قالپىنا كەلتىرۋ ءۇشىن قاجەتتى تەحنيكالىق شارالار جۇرگىزىلۋدە.