الماتى قالاسى اكىمدىگىنىڭ ءبىر باسقارماسىنىڭ بۇرىنعى باسشىسىنىڭ ورىنباسارىنا جازا جەڭىلدەتىلدى: سوتتالعان مەرزىمنىڭ وتەلمەگەن بولىگى باس بوستاندىعىن شەكتەۋمەن اۋىستىرىلدى، دەپ حابارلايدى infohub.kz.
قىلمىستىق-اتقارۋ جۇيەسى كوميتەتىنىڭ مالىمەتىنشە، سوتتالعان ايەل سوت ۇكىمىمەن جازاسىن وتەپ جۇرگەن. كەيىن سوت شەشىمىمەن جازانىڭ وتەلمەگەن بولىگى باس بوستاندىعىن شەكتەۋمەن اۋىستىرىلعان. بوساتىلعاننان كەيىن ايەل پروباسيا قىزمەتىنىڭ ەسەبىنە الىنعان. ول سوت شەشىمىنەن تۋىندايتىن بارلىق شەكتەۋلەردى، مىندەتتەردى جانە تالاپتاردى، ونىڭ ىشىندە قازاقستان اۋماعىنان تىس جەرلەرگە شىعۋعا تىيىم سالۋدى ساقتاۋعا مىندەتتى.
ۆەدومستۆو پروباسيا قىزمەتىنىڭ قىزمەتكەرلەرى وعان جۇكتەلگەن مىندەتتەر مەن شەكتەۋلەردىڭ ساقتالۋىن ۇزدىكسىز باقىلاپ، تۇراقتى تەكسەرۋلەر مەن وزگە دە باقىلاۋ ءىس-شارالارىن جۇرگىزەتىنىن اتاپ ءوتتى.
ەسكە سالايىق، بۇعان دەيىن لاۋازىمدى تۇلعا 12 ملن تەڭگە سوماسىنداعى م ۇلىكتى جىمقىرعانى ءۇشىن سوتتالعانى حابارلانعان بولاتىن. وتكەن جىلدىڭ ماۋسىم ايىندا سوت ونى كىنالى دەپ تانىپ، 4 جىل 6 اي مەرزىمگە باس بوستاندىعىنان ايىرۋ جازاسىن تاعايىنداعان ەدى.