Nazarbayev University عالىمدارى يونوسفەرا ينستيتۋتىنىڭ زەرتتەۋشىلەرىمەن بىرلەسىپ، الماتىداعى جەر بەدەرىنىڭ قالاي وزگەرەتىنىن انىقتادى. قالانىڭ كەيبىر اۋداندارىندا جەر جىلىنا بىرنەشە سانتيمەترگە كوتەرىلىپ نەمەسە تومەندەپ وتىرادى، دەپ حابارلايدى infohub.kz سايتى.
جوبا جەتەكشىسى، Nazarbayev University وقىتۋشىسى ەميل بايراموۆتىڭ ايتۋىنشا، ايماققا تەكتونيكالىق پليتالاردىڭ ۇزدىكسىز سوقتىعىسۋىنا بايلانىستى كۇردەلى پروسەستەر اسەر ەتەدى. جەردىڭ تىك جانە كولدەنەڭ ىعىسۋى بايقالادى: كەيبىر اۋداندار كوتەرىلىپ نەمەسە تومەندەسە، باسقالارى باتىسقا نەمەسە شىعىسقا جىلجيدى.
جەر بەدەرىنىڭ ەڭ ايقىن وزگەرىستەرى الماتىنىڭ ورتالىق بولىگىندە، ورتالىق الماتى جارىلىمىنىڭ بويىندا بايقالادى. زەرتتەۋشىلەر بۇل قورىتىندىنى 2017-2023 جىلدار ارالىعىنداعى باقىلاۋلار نەگىزىندە جاسادى.
ءبىر جىل ىشىندە جەر بەدەرىنىڭ جەكەلەگەن ۋچاسكەلەرى 9 سانتيمەترگە تومەندەپ نەمەسە 5 سانتيمەترگە كوتەرىلەدى. سونىمەن قاتار، جەر قاباتتارى كولدەنەڭ باعىتتا، باتىستان شىعىسقا جانە سولتۇستىكتەن وڭتۇستىككە قاراي جىلىنا 21 سانتيمەترگە دەيىن ىعىسادى.
عالىمدار ىعىسۋ ورىندارى بويىنشا جەر سىلكىنىسىن بولجاۋ مۇمكىن ەمەس ەكەنىن اتاپ وتەدى. الايدا بۇل ايماقتاردا ادامنىڭ ىس-ارەكەتى، مىسالى قۇرىلىس نەمەسە جەر استى سۋلارىن سورۋ، جەر بەدەرىنىڭ ىعىسۋىن جىلدامداتۋى مۇمكىن.