الماتى وبلىسىنىڭ اقتاس اۋىلىندا كىسى ءولتىرۋ وقيعاسى بولدى: قۇربان بولعان — جەرگىلىكتى تاندىردا جۇمىس ىستەپ، نان ساتقان 35 جاستاعى وزبەكستان ازاماتى. كتك تەلەارناسىنىڭ سايتىنىڭ مالىمەتىنشە، وقيعا كەنەتتەن تۋىنداعان جانجال سالدارىنان بولعان، دەپ حابارلايدى infohub.kz.
انىقتالعانداي، قايتىس بولعان ادام سوڭعى بەس جىل بويى قازاقستاندا تۇرىپ، نان پىسىرۋمەن جانە ساتۋمەن اينالىسقان. جەرگىلىكتى تۇرعىندار ول تۋرالى تەك جاقسى پىكىردە: ولاردىڭ ايتۋىنشا، ەر ادام ەشقاشان جانجالعا تۇسپەگەن، ال جۇما كۇندەرى ءتىپتى ناندى تەگىن تاراتقان.
الدىن الا بولجام بويىنشا، ەر ادامدار اراسىندا اۋىزشا سوزگە كەلىپ، تەز ارادا ۇرىسقا ۇلاسقان. ۇرىس كەزىندە 56 جاستاعى كۇدىكتى پىشاق الىپ، ولىمگە اكەلەتىن جاراقات سالعان.
وبلىستىق پوليسيا دەپارتامەنتىنىڭ رەسمي وكىلى ەرنار سايديلدين: «پوليسيا قىزمەتكەرلەرى كىسى ءولتىرۋ فاكتىسى بويىنشا قىلمىستىق ءىس قوزعادى. جەدەل-ىزدەستىرۋ ءىس-شارالارى بارىسىندا 56 جاستاعى كۇدىكتى انىقتالىپ، ۇستالىپ، ۋاقىتشا ۇستاۋ يزولياتورىنا قامالدى. قازىرگى ۋاقىتتا ول كىناسىن مويىنداپ، ايعاق بەردى»، — دەدى.