تابىستى امەريكاندىق ادۆوكات ناتانيەل كاللەرتون جوعارى اقى تولەنەتىن قىزمەتىنەن جانە باسقا زاڭ فيرماسىنا اۋىسۋ ۇسىنىسىنان ايىرىلدى. سەبەپ — الەۋمەتتىك جەلىدە ونىڭ جاس ارىپتەسىمەن سۇيىسكەن ۆيدەوسى تاراپ كەتتى. بۇل وقيعا قوعامدا كەڭ رەزونانس تۋدىردى، دەپ حابارلايدى infohub.kz.
كاللەرتون سەم التماننىڭ مۇددەسىن يلون ماسكقا قارسى ىستە قورعاعان زاڭگەرلەر توبىنىڭ مۇشەسى بولعان. ماسك OpenAI كومپانياسىنان $150 ملرد شىعىن وتەۋدى تالاپ ەتكەن ەدى. ولاردىڭ كۇش-جىگەرىنىڭ ارقاسىندا ءىس جەڭىسپەن اياقتالدى.
ادۆوكات جىلىنا شامامەن $4 ملن تابىس تابادى. ول باسەكەلەس فيرماعا اۋىسۋدى جوسپارلاعان، وندا ونىڭ تابىسى شامامەن ءۇش ەسە ءوسۋى مۇمكىن ەدى، دەپ جازادى The Post.
الايدا TikTok-تاعى جاريالانىمنان كەيىن بارلىق جوسپار كۇل-تالقان بولدى. ۆيدەودا 45 جاستاعى كاللەرتون ساياباقتا جاس ارىپتەسىمەن ءسۇيىسىپ تۇر. ادۆوكات پروكۋرور مويرا كيم پەنزاعا ۇيلەنگەن. تەرگەۋ بارىسىندا ول جۇمىستان ۋاقىتشا شەتتەتىلدى. روليك 10 ميلليوننان استام قارالىم جينادى، ال باسقا كومپانيا جۇمىسقا قابىلداۋ ۇسىنىسىن قايتارىپ الدى.
بۇل وقيعا قوعامدىق ايىپتاۋدىڭ مانساپقا قالاي اسەر ەتەتىنىنىڭ ايقىن مىسالى بولدى. قازاقستاندا دا وتباسىلىق وپاسىزدىققا وسىنداي جاپپاي ايىپتاۋ بولسا ەكەن دەپ ارمانداۋ عانا قالادى.
بۇعان دەيىن بوستونداعى Coldplay توبىنىڭ كونسەرتىندە كامەرا كەزدەيسوق وتباسىلىق وپاسىزدىقتى اشكەرەلەگەنى حابارلانعان بولاتىن.