2025 جىلى انگليادا ىستىق تولقىن سالدارىنان بولاتىن ارتىق ءولىم سانى 2024 جىلمەن سالىستىرعاندا ەكى ەسەگە جۋىق وسكەن. ۇلىبريتانيا دەنساۋلىق ساقتاۋ قاۋىپسىزدىگى اگەنتتىگىنىڭ مالىمەتىنشە، 2024 جىلدىڭ مامىر جانە ماۋسىم ايلارىنداعى ىستىق تولقىندار كەزىندە 2 877 ادام قازا تاپقان. بۇل وتكەن جىلدىڭ ءدال وسى كەزەڭىندەگى كورسەتكىشتەن ەكى ەسە دەرلىك كوپ. اتاپ ايتقاندا، 24-27 مامىر ارالىعىنداعى ىستىق تولقىنىمەن 753 ءولىم، ال 21-28 ماۋسىم ارالىعىنداعى ىستىق تولقىنىمەن 2 124 ءولىم بايلانىستىرىلدى. بۇل تۋرالى infohub.kz حابارلادى.
باياندامادا: «بۇل ساندار ازىرگە ارالىق بولعانىمەن، ولار ۇلىبريتانيا دەنساۋلىق ساقتاۋ قاۋىپسىزدىگى اگەنتتىگىنىڭ 2022 جىلى تىركەگەن جىلدىق رەكوردىنا جاقىنداپ قالدى»، – دەلىنگەن. ساراپشىلار پارنيكتىك گازدار شىعارىندىسىن ازايتۋ جانە حالىقتى عالامدىق جىلىنۋدان قورعاۋ ءۇشىن شۇعىل شارا قابىلداۋعا شاقىردى. ماۋسىم ايىنداعى ىستىق تولقىنىنىڭ ەڭ جوعارى كەزەڭىندە ۇلىبريتانيا دەنساۋلىق ساقتاۋ قاۋىپسىزدىگى اگەنتتىگى مەن مەتەورولوگيالىق قىزمەت ءۇش كۇن قاتارىنان قىزىل دابىل جاريالادى. بۇل بارلىعىنا، اسىرەسە بالالار مەن قارتتارعا، سونداي-اق سوزىلمالى اۋرۋلارى بار ادامدارعا ءقاۋىپ توندىرەدى.