Anthropic كومپانياسى Claude نەيروجەلىلەرى جاساعان ماتىندەرگە كورىنبەيتىن سيفرلىق بەلگىلەردى قوسا باستادى. بۇل شەشىم ەۋروپالىق وداقتىڭ جاساندى ينتەللەكت تۋرالى زاڭىنىڭ تالاپتارىنا بايلانىستى قابىلداندى، دەپ حابارلايدى infohub.kz سايتى.
Anthropic مالىمدەمەسىنە سايكەس، كورىنبەيتىن سۋ تاڭبالارى 2026 جىلدىڭ 2 تامىزىنان كەيىن شىعارىلعان Claude مودەلدەرىنىڭ ماتىنىنە تىكەلەي ەنگىزىلەدى. بەلگىلەر وقىلىمعا، ماعىناعا نەمەسە جاۋاپ ساپاسىنا اسەر ەتپەيدى، ءبىراق كوشىرگەندە ساقتالادى جانە ءىشىنارا وڭدەۋگە ءتوزىمدى.
كومپانيا بۇل قادامدى ەو-نىڭ جاساندى ينتەللەكت تۋرالى زاڭىنىڭ سينتەتيكالىق كونتەنتتىڭ اشىقتىعىن رەتتەيتىن 50-بابىن ساقتاۋ اياسىندا جاسادى. ماركيروۆكا ازىرلەۋشىنىڭ بارلىق قىزمەتتەرىنە، سونىڭ ىشىندە Claude ينتەرفەيسىنە، API-گە، Claude Code قۇرالىنا، سونداي-اق بۇلتتى سەرىكتەستەر پلاتفورمالارىنداعى مودەلدەرگە قولدانىلادى.
مەديافايلدار ءۇشىن Anthropic C2PA سيفرلىق قولتاڭبا ستاندارتىن پايدالانادى، ال ءماتىن ءۇشىن كىرىستىرىلگەن سۋ تاڭباسىن ازىرلەدى. سونىمەن قاتار، كومپانيادا سۋ تاڭباسىنىڭ بولۋى يي اۆتورلىعىنىڭ ءابسوليۋتتى دالەلى ەمەس ەكەنىن اتاپ وتەدى، ويتكەنى پايدالانۋشىلار مودەلدى كوبىنەسە دايىن ماتىندەردى اۋدارۋ نەمەسە تەكسەرۋ ءۇشىن عانا قولدانادى.