وتىز جىلدان كەيىن ارقالىقتا تۇراقتى اۋە قاتىناسى قايتا ىسكە قوسىلدى. 22 تامىزدان باستاپ قالادان استانا، الماتى جانە قوستاناي باعىتتارىنا رەيستەر ورىندالادى، دەپ حابارلايدى infohub.kz.
العاشقى بولىپ استانا – ارقالىق – استانا باعىتى اشىلادى. ۇشۋلاردى SCAT اۋەكومپانياسى ورىندايدى. استانا مەن ارقالىق اراسىنداعى رەيستەر اپتاسىنا ەكى رەت ورىندالادى، بيلەت قۇنى ءبىر باعىتقا 10 مىڭ تەڭگەنى قۇرايدى.
الماتى – ارقالىق – الماتى باعىتى بويىنشا دا اپتاسىنا ەكى رەيس جوسپارلانعان. ءبىر باعىتقا بيلەت 25 مىڭ تەڭگە تۇرادى.
سونىمەن قاتار، وبلىسىشىلىك قوستاناي – ارقالىق – قوستاناي باعىتى ىسكە قوسىلادى. ول دا اپتاسىنا ەكى رەت ورىندالادى، بيلەت قۇنى ءبىر باعىتقا 10 مىڭ تەڭگە بولادى.
بۇعان دەيىن، 12 تامىزدا ارقالىق اۋەجايىنىڭ حالىقارالىق IATA كودى — AYK قالپىنا كەلتىرىلدى. بۇل تۇراقتى اۋە قاتىناسىن قايتا جانداندىرۋعا دايىندىق كەزەڭدەرىنىڭ ءبىرى بولدى.
اۋەجاي جۇمىسى 30 جىلدىق ۇزىلىستەن كەيىن قايتا باستالادى. كولىك مينيسترلىگىندە رەيستەردىڭ اشىلۋى ارقالىقتىڭ كولىكتىك قولجەتىمدىلىگىن ارتتىرىپ، تۇرعىندارعا، بيزنەس پەن ينۆەستورلارعا مۇمكىندىكتەردى كەڭەيتەدى دەپ سانايدى.
العاشقى رەيستىڭ ۇشىرىلۋىنا كولىك ۆيسە-مينيسترى تالعات لاستايەۆ، قوستاناي وبلىسى اكىمىنىڭ ورىنباسارى بەرىك تانجاريكوۆ، اكىمدىك، اۆياسيا سالاسى جانە قوعام وكىلدەرى قاتىستى.
بۇعان دەيىن «كۋرسيۆ» ارقالىق اۋەجايىنىڭ رەكونسترۋكسيانى اياقتاپ، قاجەتتى سەرتيفيكاتتاۋ راسىمدەرىنەن وتكەنىن جازعان بولاتىن. 3 تامىزدا ول اۆياسيالىق قاۋىپسىزدىك قىزمەتىنىڭ سەرتيفيكاتىن، 18 تامىزدا «قازاەروناۆيگاسيانىڭ» اەروناۆيگاسيالىق قىزمەت كورسەتۋشى رەتىندە سەرتيفيكاتىن، ال 21 تامىزدا اەرودرومعا جارامدىلىق سەرتيفيكاتى بەرىلدى.