حالىقارالىق زەرتتەۋشىلەر توبى اركتيكاداعى ەرىگەن تەڭىز مۇزى مەن اشىق مۇحيت شەكاراسىندا بۇلت تۇزەتىن بولشەكتەردىڭ بۇرىن بەلگىسىز پروسەسىن انىقتادى، دەپ حابارلايدى infohub.kz سايتى.
Nature Geoscience جۋرنالىندا جاريالانعان زەرتتەۋدى بيرمينگەم ۋنيۆەرسيتەتىنىڭ عالىمدارى جۇڭگو مەن يسپانياداعى ارىپتەستەرىمەن بىرلەسىپ جۇرگىزدى. ماماندار ەرىگەن مۇزدىڭ شەتىندە كۇن ساۋلەسى مۇحيت پەن بالدىرلار بولەتىن يود، كۇكىرت جانە ورگانيكالىق قوسىلىستارمەن ارەكەتتەسەتىنىن انىقتادى. ناتيجەسىندە بۇلت تۇزە الاتىن بولشەكتەردىڭ سانى تاۋلىگىنە 50 ەسە ارتادى. بۇل قۇبىلىس كۇن اشىق كۇندەردىڭ 80 پايىزىنان استامىندا بايقالدى.
سونداي-اق كوماندا اتموسفەرالىق قوسىلىستاردىڭ جاڭا كلاسىن — قۇرامىندا يودى بار وتتەكتى ورگانيكالىق مولەكۋلالاردى (I-OOMs) انىقتادى، ولار پايدا بولعان بولشەكتەردىڭ بۇلتتىلىقتى قالىپتاستىرۋ ءۇشىن قاجەتتى مولشەرگە دەيىن وسۋىنە كومەكتەسەدى. ەرىگەن مۇزدىڭ اۋدانى ۇلعايعان سايىن، بۇل تابيعي پروسەسس كۇن ساۋلەسىنىڭ شاعىلىسۋىنا جانە ايماقتاعى كليماتتىق وزگەرىستەرگە بارعان سايىن كوبىرەك اسەر ەتەدى.
عالىمدار جاھاندىق جىلىنۋدى دالىرەك بولجاۋ ءۇشىن اشىلعان مەحانيزمدەردى قولدانىستاعى كليماتتىق مودەلدەرگە قوسۋدى جوسپارلاپ وتىر.