ارمەنيا پرەمەر-مينيسترى نيكول پاشينيان ەل ۇكىمەتىنىڭ 2 تامىز، جەكسەنبى كۇنى وتستاۆكاعا كەتەتىنىن مالىمدەدى. بۇل – ۇلتتىق جينالىستىڭ جاڭا شاقىرىلىمىنىڭ قۇرىلۋىنا بايلانىستى، دەپ حابارلايدى infohub.kz سايتى.
«يزۆەستيا» گازەتىنىڭ ارمياندىق News.am تەلەارناسىنا سىلتەمە جاساۋىنشا، پاشينيان 30 شىلدەدەگى وتىرىستا بىلاي دەگەن: «بۇل – ءبىزدىڭ ۇكىمەتتىڭ سوڭعى وتىرىسى. كونستيتۋسيا بويىنشا، ۇلتتىق جينالىستىڭ توعىزىنشى شاقىرىلىمى قۇرىلۋىنا بايلانىستى ءبىز وتستاۆكاعا كەتەمىز». ۇكىمەت وتستاۆكاعا كەتكەننەن كەيىن ەل پرەزيدەنتى پرەمەر-مينيستر ەتىپ پارلامەنتتىك كوپشىلىك — بيلەۋشى «ازاماتتىق شارت» پارتياسى ۇسىنعان كانديداتتى تاعايىندايدى.
ەسكە سالا كەتەيىك، 7 ماۋسىمدا ارمەنيادا پارلامەنت سايلاۋى ءوتتى. 8 ماۋسىمدا پرەمەر-مينيستر نيكول پاشينيان ءوز پارتياسى «ازاماتتىق شارتتىڭ» سايلاۋداعى جەڭىسىن جاريا ەتتى. سول كۇنى قازاقستان پرەزيدەنتى قاسىم-جومارت توقايەۆ پاشينياندى پارتياسىنىڭ جەڭىسىمەن قۇتتىقتادى.