حالىقارالىق جولاۋشىلار تاسىمالى قىزمەتى inDrive نەگىزىن قالاۋشى ارسەن تومسكي قازاقستاندىق كاميلا لۋكپانوۆاعا ۇيلەنەتىنىن جاريالادى. كاسىپكەر باقىتتى جاس جۇبايلاردىڭ فوتوسىن Threads الەۋمەتتىك جەلىسىندە جاريالادى، دەپ حابارلايدى infohub.kz.
«قازاق ۇلتىنا +1 كۇيەۋ بالا. مىنە، ءبارى وسى، قازاق حالقىنىڭ كۇيەۋ بالاسى»، — دەپ جازدى تومسكي.
سۋرەتتە جۇبايلار ۇيلەنۋ كيىمدەرىندە: ونىڭ جۇبايى كاميلا لۋكپانوۆا اق كويلەكتە، ارسەن تومسكي كلاسسيكالىق كۇيەۋ جىگىت كوستيۋمىندە. جاريالانىم مىڭداعان قۇتتىقتاۋلار جينادى.
دوسىنىڭ ومىرىندەگى قۋانىشتى وقيعا تۋرالى الەۋمەتتىك جەلىلەردە ونىڭ دوستارى دا جازادى.
«بۇگىن ارسەن تومسكي مەن كاميلانىڭ ۇيلەنۋ تويى. الەمنىڭ تۇكپىر-تۇكپىرىنەن دوستار جاس جۇبايلاردى وسى ماڭىزدى وقيعامەن قۇتتىقتاۋعا كەلدى!»، — دەپ جازدى Forbesء-تىڭ قازاقستان مەن گرۋزياداعى فرانشيزاسىنىڭ يەسى، كاسىپكەر ارمانجان بايتاسوۆ.
جۇپتىڭ ۇيلەنۋگە دايىندالىپ جاتقانى ماۋسىم ايىندا بەلگىلى بولدى. سول كەزدە تومسكي كاميلا لۋكپانوۆانىڭ تۋعان قالاسى ورالدا وتكەن قازاقتىڭ سىرعا سالۋ جانە قۇدا ءتۇسۋ داستۇرلەرى تۋرالى ايتقان.
كاميلا لۋكپانوۆا بۇرىن Almaty Tourism Bureau باسقارعان. ول ۋربانيستيكا ماسەلەلەرىمەن اينالىساتىن ءوزىنىڭ Tana قورىن قۇردى، سونىمەن قاتار الماتىدا ءبىلىم العان. ونىڭ الەۋمەتتىك جەلىلەرىنە قاراعاندا، سوڭعى كەزدەرى لوندوندا تۇرىپ، وقىپ ءجۇر.
ارسەن تومسكي 2022 جىلى inDrive كەڭسەسىن رەسەيدەن قازاقستانعا كوشىرىپ، قازاقستان ازاماتتىعىن الدى. 2024 جىلدىڭ مامىرىندا ول $920 ملن بايلىعىمەن قازاقستاننىڭ ەڭ باي بيزنەسمەندەرى رەيتينگىندە 10-ورىنعا يە بولدى.
الدىڭعى كۇنى تومسكي Kursiv Talks پودكاستىنە قاتىسىپ، ءوز بيزنەسى تۋرالى ايتىپ، بولاشاققا بولجامدارىمەن ءبولىسىپ، بالالىق شاعى مەن قالىپتاسۋى تۋرالى وي قوزعادى.
تومسكي ءۇشىن بۇل العاشقى نەكە ەمەس. كاسىپكەردىڭ ەكى قىزى بار. كاميلا لۋكپانوۆانىڭ دا ءبىر قىزى بار.