2026 جىلى الەمدەگى ەڭ «كۇشتى» پاسپورتتار رەيتينگى ايتارلىقتاي وزگەرىسكە ۇشىرادى: الدىڭعى ورىنداردى ەندى ازيا مەملەكەتتەرى يەلەندى، دەپ حابارلايدى infohub.kz.
سينگاپۋر ءتىزىمدى باستاپ تۇر، ونىڭ ازاماتتارىنا 192 باعىتقا ۆيزاسىز قولجەتىمدىلىك بەرىلگەن، ال 2016 جىلى بۇل كورسەتكىش 173 بولعان ەدى.
ەكىنشى ورىندى جاپونيا، وڭتۇستىك كورەيا جانە بىرىككەن اراب امىرلىكتەرى ءبولىستى: بۇل ەلدەردىڭ پاسپورت يەلەرى ۆيزاسىز 188 ەل مەن اۋماققا بارا الادى.
اسىرەسە ءباا اسەرلى پروگرەسس كورسەتىپ وتىر: سوڭعى جيىرما جىلدا ەل ۆيزاسىز باعىتتار ءتىزىمىن 153 تارماققا ۇلعايتىپ، پاسپورت «كۇشى» بويىنشا الەمدىك كوشباسشىلاردىڭ بىرىنە اينالدى.
ەۋروپا مەملەكەتتەرى بەرىك پوزيسيالارىن ساقتاپ وتىر: نورۆەگيا 186 ەلگە قولجەتىمدىلىكپەن بەسىنشى ورىندا، شۆەيساريا 185 باعىتپەن التىنشى ورىندا. ورتا ەسەپپەن ەۋروپالىق وداق پەن ۇلىبريتانيا ازاماتتارى ۆيزاسىز 184-كە جۋىق باعىتقا بارا الادى.
كانادا مەن اقش پاسپورتتارى دا 2016 جىلمەن سالىستىرعاندا «كۇشەيدى»: ۆيزاسىز باعىتتار سانى تيىسىنشە 183 جانە 180-گە ءوستى. دەگەنمەن، باسقا مەملەكەتتەر ديپلوماتيالىق بايلانىستاردى تەزىرەك دامىتقاندىقتان، سولتۇستىك امەريكا الەمدىك رەيتينگتە تومەندەدى.