كەشكە قازاقستان استاناسىندا كولىك قوزعالىسى تۇرالاپ قالدى: 2GIS قوسىمشاسى جولداردىڭ ەڭ جوعارى — 10 بالدىق جۇكتەمەسىن تىركەدى، ال اعىن جىلدامدىعى ەڭ تومەنگى دەڭگەيگە ءتۇستى. بۇل تۋرالى infohub.kz سايتى حابارلايدى.
كەپتەلىس تۋرالى اقپارات «استانا — چتو؟ گدە؟ كوگدا؟» Telegram-ارناسىندا پايدا بولدى. كۋاگەرلەردىڭ ايتۋىنشا، قالانىڭ سول جاعالاۋى تۇتاستاي تۇرىپ قالعان: كەپتەلىس تۋران، سىعاناق، دوستىق، قونايەۆ كوشەلەرىن، سونداي-اق حان شاتىر، استانا وپەراسى، بايتەرەك، Asia Park جانە Keruen اۋداندارىن قامتىدى.
2GIS قوسىمشاسىنىڭ دەرەكتەرى راستايدى: كوپتەگەن كوشە قىزىل تۇسپەن بەلگىلەنگەن، بۇل ماگيسترالداردىڭ شەكتەن تىس جۇكتەلگەنىن كورسەتەدى. سەرۆيس قولدانۋشىلارى ەموسيالىق پىكىرلەر قالدىرۋدا. «جىگىتتەر، كەپتەلىسكە كىرمەڭدەر»، «چيپسى نە سەمەچكە بار ما كىمدە؟»، «جابىق»، «قايدا باراسىڭدار، اللو؟»، «جكو»، «بۇل پ...س»، — دەپ جازادى جۇرگىزۋشىلەر.
ەسكە سالايىق، بىرنەشە كۇن بۇرىن مەملەكەتتىك كۇزەت قىزمەتى استانادا ءبىرقاتار حالىقارالىق ساياسي ءىس-شارا وتۋىنە بايلانىستى 5–6 قازاندا استانانىڭ كەيبىر كوشەلەرىندە كولىك قوزعالىسىنا ۋاقىتشا شەكتەۋ ەنگىزىلەتىنىن ەسكەرتكەن بولاتىن.
ايتپاقشى، بۇگىن كەشكە قازاقستان پرەزيدەنتى قاسىم-جومارت توقايەۆ استانا اۋەجايىندا ومان سۇلتانى حايسام بەن تاريق ءال سايدتى قارسى الدى.