9 تامىزدا، جەكسەنبىدە، استانادا سپورتتىق ءىس-شاراعا بايلانىستى بىرنەشە كوشەدە ءجۇرىس-تۇرىس ۋاقىتشا شەكتەلەدى، دەپ حابارلايدى infohub.kz سايتى.
ەلوردا اكىمدىگى جىل سايىنعى Jüregımnıñ Jenımpazy جۇگىرۋ فەستيۆالىنە بايلانىستى كولىك قوزعالىسىنا شەكتەۋ ەنگىزىلەتىنىن ەسكەرتتى. شاراعا 7 مىڭعا جۋىق قاتىسۋشى مەن قوناق كەلەدى دەپ كۇتىلۋدە.
سونىمەن، 9 تامىزدا كەلەسى كوشەلەردە ءجۇرۋ شەكتەلەدى:
07:00-دەن 08:05-كە دەيىن — تۇركىستان كوشەسىنىڭ Abu Dhabi Plaza عيماراتى باعىتىنداعى ءبىر جولاعى ءىشىنارا جابىلادى؛
07:00-دەن 07:40-قا دەيىن — ۇلى دالا داڭعىلى تولىعىمەن جابىلادى؛
07:10-دان 09:15-كە دەيىن — اكمەشىت كوشەسىنىڭ بويىنداعى ءبىر جولاق ەكسپو الاڭىنداعى مارەگە قاراي ءىشىنارا شەكتەلەدى.
«جۇرگىزۋشىلەر مەن جاياۋ جۇرگىنشىلەرگە ءوز باعدارىن الدىن الا جوسپارلاۋ ۇسىنىلادى. اۋقىمدى شارانى تۇسىنىستىكپەن قابىلداۋلارىڭىزدى سۇرايمىز»، — دەلىنگەن اكىمدىك حابارلاماسىندا.