قازاقستان استاناسىندا كولىك توننەلىنىڭ قۇرىلىسىنا بايلانىستى الماتى كوشەسىنىڭ ءبىر بولىگىندە جىل سوڭىنا دەيىن قوزعالىس شەكتەلەدى، دەپ حابارلايدى infohub.kz.
قالا اكىمدىگىنىڭ مالىمەتىنشە، استانادا الماتى كوشەسىندە — ماڭگىلىك ەل داڭعىلىنان ساۋران كوشەسىنە دەيىنگى ارالىقتا كولىك توننەلىنىڭ قۇرىلىسى جالعاسۋدا. وسىعان بايلانىستى 15 تامىزدان باستاپ اعىمداعى جىلدىڭ سوڭىنا دەيىن الماتى كوشەسىنىڭ تۇركىستان كوشەسىنەن ماڭگىلىك ەل داڭعىلىنا دەيىنگى ۋچاسكەسىندە قوزعالىس تولىعىمەن جابىلادى. ال الماتى/تۇركىستان جانە الماتى/ماڭگىلىك ەل قيىلىستارى اشىق قالادى.
اكىمدىك جۇرگىزۋشىلەر مەن جاياۋ جۇرگىنشىلەردى مارشرۋتتارىن الدىن الا جوسپارلاۋدى سۇرايدى. قاۋىپسىزدىكتى قامتاماسىز ەتۋ جانە قولايسىزدىقتى ازايتۋ ءۇشىن ۋاقىتشا جول بەلگىلەرى مەن كورسەتكىشتەر ورناتىلادى. بيلىك اتالعان وزگەرىستەردى تۇسىنىستىكپەن قابىلداپ، قالا بويىنشا ءجۇرۋ كەزىندە ەسكەرۋدى سۇرايدى.
بۇعان دەيىن استانانىڭ ەسىل اۋدانىندا الماتى كوشەسىندە ۇزىندىعى 800 مەتر كولىك توننەلىنىڭ قۇرىلىسى باستالعانى حابارلانعان بولاتىن. ول سالىنىپ جاتقان پرەزيدەنتتىك كىتاپحانانىڭ جانىنداعى جاڭا جول ايرىعىنىڭ بولىگى بولادى.