3 قازان كۇنى تاڭەرتەڭنەن باستاپ استانا تۇرعىندارى الەۋمەتتىك جەلىلەردە استانالىق جولدارداعى اسكەري تەحنيكا مەن جابىلعان كوشەلەر تۋرالى حابارلامالار مەن بەينەلەر جاريالاي باستادى. قازاقستان رەسپۋبليكاسىنىڭ مەملەكەتتىك كۇزەت قىزمەتى بۇل 5–6 قازاندا قالادا ءبىرقاتار حالىقارالىق ساياسي ءىس-شارالاردىڭ وتۋىنە بايلانىستى ەكەنىن ءتۇسىندىردى، دەپ حابارلايدى infohub.kz سايتى.
Threads جەلىسىندەگى alldar.kose پايدالانۋشىسى: «استانا، نە بولىپ جاتىر؟ 3 قازان، 04:00»، — دەپ جازدى. تاعى ءبىر پايدالانۋشى نat.store.lati دا استانا كوشەلەرىندەگى جابىلعان جولدار مەن اسكەري تەحنيكا تۇسىرىلگەن بەينەنى جاريالاپ، وعان: «تاڭنان بەرى ابىگەر، كىمدى كۇتىپ وتىرمىز، كىم بىلەدى؟» — دەپ جازدى.
كەيىنىرەك مەملەكەتتىك كۇزەت قىزمەتى ۆەدومستۆونىڭ Instagram پاراقشاسىندا رەسمي مالىمدەمە جاسادى. وندا بىلاي دەلىنگەن: «استانادا 5-6 قازاندا ءبىرقاتار حالىقارالىق ساياسي ءىس-شارالاردىڭ وتۋىنە بايلانىستى استانالىق كوشەلەردىڭ جەكەلەگەن ۋچاسكەلەرىندە كولىك قۇرالدارىنىڭ قوزعالىسىنا ۋاقىتشا شەكتەۋلەر ەنگىزىلەدى. ءىس-شارالار ارنايى مەملەكەتتىك ورگانداردىڭ، قۇقىق قورعاۋ ورگاندارىنىڭ جانە ق ر قارۋلى كۇشتەرىنىڭ رەسۋرستارىن پايدالانۋدى كوزدەيدى. حالىقارالىق دەڭگەيدەگى ماڭىزدى وقيعا كەزىندە قاۋىپسىزدىكتى قامتاماسىز ەتۋ جونىندەگى ءىس-شارالارعا تۇسىنىستىكپەن قاراۋلارىڭىزدى سۇرايمىز».