ەلوردادا 83 اۆتوموبيل مەن ارنايى تەحنيكانى، سونداي-اق تۇرعىن ءۇيى بار جەر تەلىمىن اۋكسيون ارقىلى ساتۋ جوسپارلانۋدا، دەپ حابارلايدى infohub.kz سايتى.
قالالىق اكتيۆتەر جانە مەملەكەتتىك ساتىپ الۋ باسقارماسىنىڭ باسشىسى جاندوس داۋلەتوۆ استانا ءماسليحاتىنىڭ وتىرىسىندا قانداي اۆتوموبيلدەردى اۋكسيونعا شىعارۋ جوسپارلانعانىن ايتتى. ول اكىمدىك باسقارمالارى مەن ۆەدومستۆولىق ۇيىمدار بۇدان بىلاي پايدالانىلمايتىن نەمەسە جارامسىز م ۇلىكتى ەسەپتەن شىعارۋدى ۇسىنعانىن اتاپ ءوتتى.
«قالالىق اكتيۆتەر جانە مەملەكەتتىك ساتىپ الۋ باسقارماسى قالا بيۋدجەتىن تولىقتىرۋ جانە قالا بيۋدجەتىنە قوسىمشا تۇسىمدەردى قامتاماسىز ەتۋ ءۇشىن ولاردى ساتۋعا شىعارۋدى ۇسىنادى. جەكەشەلەندىرۋ E-Qazyna ۆەب-پورتالى ارقىلى اۋكسيون نەمەسە تەندەر فورماتىندا وتەدى. بۇگىندە 83 اۆتوموبيل مەن ارنايى تەحنيكانى ساتۋعا شىعارۋ ۇسىنىلۋدا. بۇل ەسكى اۆتوموبيلدەر»، — دەدى ول.
سونىمەن قاتار، ونىڭ ايتۋىنشا، الماتى اۋدانىنىڭ اكىمدىگى سەمبينوۆ كوشەسى، 1/6 مەكەنجايى بويىنشا تۇرعىن ءۇيدى جەكەشەلەندىرۋ تۋرالى حات جولدادى. «ءبىز ونى ءوز بالانسىمىزعا قابىلداپ، سودان كەيىن جەكەشەلەندىرۋدى جۇرگىزۋدى ۇسىنامىز. بۇل ەسكى ءۇي. 2012 جىلى ول "جاڭا قۇرىلىس" كومپانياسىنان مەملەكەت مەنشىگىنە قابىلدانعان. ينۆەستوردىڭ ىسكە اسىرۋى ءۇشىن ءبىز ونى اۋكسيونعا شىعارۋىمىز كەرەك. باعالاۋ جۇرگىزىپ، سوعان سايكەس جەر تەلىمىمەن بىرگە قۇنىن بەلگىلەيمىز. عيماراتتىڭ قۇنى 12 ملن، جەر تەلىمىنىڭ قۇنى — 29 ملن»، — دەپ اتاپ ءوتتى سپيكەر.
سونىمەن قاتار، الماتى اۋدانىنىڭ اكىمدىگىنەن 164 ساۋدا پاۆيلونىن جەكەشەلەندىرۋ تۋرالى حات كەلىپ ءتۇستى — ولار اۋدان اۋماعىندا زاڭسىز ورنالاسقان. سوت شەشىمىنەن كەيىن ولار بۇزىلىپ، اۋدان اكىمدىگىنە تاپسىرىلدى.