استاناداعى 23 جاستاعى جەدەل جاردەم فەلدشەرى ۋلدانا مىرزۋاننىڭ قازاسىنا بايلانىستى سوت پروسەسىندە تاعى ءبىر پروسەستىك وقيعا ورىن الدى. استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ءتورايىمى مەرۋەرت اباەۆا سوتتالۋشىنىڭ ادۆوكاتى داۋرەن ەسليامبەك ۇلىنا قاتىستى جەكە قاۋلى شىعاردى. بۇعان سەبەپ — قورعاۋشىنىڭ تۇسكى ۇزىلىستەن كەيىن وتىرىسقا كەلمەۋى، دەپ حابارلايدى infohub.kz.
سوت اكتىسىنە سايكەس، 2026 جىلعى 20 تامىزداعى وتىرىستا قايتىس بولعان قىزدىڭ اناسى ساليما وماروۆانى جاۋاپقا تارتۋدى جالعاستىرۋ ءۇشىن ساعات 15:00-گە دەيىن ءۇزىلىس جاريالانعان. بارلىق قاتىسۋشىلار تىڭدالىمنىڭ قايتا باستالاتىن ۋاقىتى تۋرالى ءتيىستى تۇردە حاباردار ەتىلگەن. الايدا بەلگىلەنگەن ۋاقىتتا ادۆوكات ەسليامبەك ۇلى سوت زالىنا كەلمەگەن جانە الدىن الا رەسمي تۇردە سوتتى ەسكەرتپەگەن. ونىڭ ورنىنا ول حاتشىعا تەلەفون ارقىلى باسقا سوت پروسەسىنە كەتكەنىن اۋىزشا عانا ايتقان.
«ادۆوكات دالەلدى سەبەپسىز قىلمىستىق ءىس بويىنشا پروسەستى بۇزدى. وسىلايشا ول ادەيى ءىستىڭ قارالۋىن سوزىپ، سوت پەن پروسەسكە قاتىسۋشىلارعا اشىق تۇردە قۇرمەتسىزدىك تانىتتى. ونىڭ ارەكەتتەرى ادۆوكاتتىق ەتيكا شەگىنەن شىعىپ كەتتى، بۇل كاسىبي مامان ءۇشىن جول بەرىلمەيدى»، — دەدى سۋديا مەرۋەرت اباەۆا.
سوت قورعاۋشىنىڭ ارەكەتىن «ادۆوكاتتىق قىزمەت جانە زاڭ كومەگى تۋرالى» زاڭدى، سونداي-اق ادۆوكاتتاردىڭ كاسىبي ەتيكا كودەكسىن ورەسكەل بۇزۋ دەپ باعالادى. سوت قاۋلىسىمەن بۇزۋشىلىق فاكتىلەرى استانا قالاسى ادۆوكاتتار القاسى ءتورالقاسىنىڭ جانە ق ر ادىلەت مينيسترلىگىنىڭ قالالىق ادىلەت دەپارتامەنتى باسشىسىنىڭ نازارىنا جەتكىزىلدى. ورگاندارعا ادۆوكات ەسليامبەك ۇلىنا قاتىستى ءتيىستى تارتىپتىك شارالار قولدانۋ جانە ءبىر اي مەرزىمدە قابىلدانعان شەشىم تۋرالى سوتقا رەسمي تۇردە حابارلاۋ تاپسىرىلدى.
ەسكە سالايىق، استانادا ءۇيدىڭ وسي ءتورايىمى ساۋلە جۋبانيازوۆاعا قاتىستى سوت جالعاسۋدا. ول 2025 جىلعى 8 قاراشاداعى قايعىلى وقيعاعا بايلانىستى ءوز مىندەتتەرىنە ادال ەمەس قارادى دەپ ايىپتالۋدا. سول كۇنى 23 جاستاعى جەدەل جاردەم فەلدشەرى ۋلدانا مىرزۋان استاناداعى شاقىرتۋعا كەلگەندە، وعان عيماراتتىڭ كىرپىش قاپتاماسى مەن كونديسيونەردىڭ بەكىتپەسى قۇلاعان ەدى.
سوت وتىرىسىنىڭ ۇزىلىسىندە جۋبانيازوۆا جۋرناليستەر الدىنا شىعىپ، قىلمىستىق ءىس بويىنشا ءوز ۇستانىمىن ءبىلدىردى. وسي ءتورايىمى ءوزىن جالا جابىلعان دەپ سانايتىنىن، ال قايعىلى وقيعانىڭ سەبەبى عيماراتتىڭ جاسىرىن اقاۋلارى مەن ءۇيدىڭ كوپ جىلدىق پايدالانىلۋى ەكەنىن مالىمدەدى.
ايتا كەتەيىك، سوت عيماراتىندا ءىس قارالىپ جاتقاندا، سىرتتا استانانىڭ م ۇلىك يەلەرى بىرلەستىكتەرىنىڭ (وسي) ونداعان ءتوراعالارى جينالىپ، ءوز ارىپتەسىن قولداپ، زاڭناماداعى جۇيەلى ماسەلەنى كوتەردى.