استانادا فەلدشەر ءالدانا مىرزۋاننىڭ قازاسىنا بايلانىستى قىلمىستىق ءىس بويىنشا 24 تامىزعا بەلگىلەنگەن سوت وتىرىسى باسقا كۇنگە اۋىستىرىلدى، دەپ حابارلايدى infohub.kz سايتى.
استانا سوتىنىڭ ءباسپاسوز قىزمەتىنەن ءمالىم ەتكەندەي، وتىرىس تەحنيكالىق سەبەپتەرمەن باسقا كۇنگە شەگەرىلدى. بۇعان دەيىن تىڭداۋ 24 تامىزدا ساعات 10:00-گە جوسپارلانعان ەدى. كەلەسى وتىرىستىڭ ناقتى كۇنى، ۋاقىتى مەن وتەتىن ورنى تۋرالى قوسىمشا حابارلانادى.
ەسكە سالايىق، قايعىلى وقيعا 2025 جىلعى 8 قاراشادا استانادا بولدى: توعىز قاباتتى تۇرعىن ءۇيدىڭ قاسبەتىنەن سىرتقى كىرپىش قاپتاماسى مەن كونديسيونەر قۇلادى. سالدارىنان جەدەل جاردەم فەلدشەرى زارداپ شەكتى، ول قيراندى استىنان ەر ادامدى شىعارۋعا تىرىسقان ەدى. ونىڭ باسىنا توعىزىنشى قاباتتان كونديسيونەر قۇلاعان. زارداپ شەككەنگە باس سۇيەگىنە ترەپاناسيا جاسالدى.
وكىنىشكە قاراي، 18 قاراشادا فەلدشەردىڭ قايتىس بولعانى بەلگىلى بولدى. رەزونانستىق ءىس 2026 جىلعى 18 تامىزدا سوتتا قارالا باستادى. كەزەكتى وتىرىس 24 تامىزدا ءوتۋى كەرەك ەدى، الايدا ول شەگەرىلدى.