استانادا پوليسيا توعىز جاسار بالانىڭ ۇستىنە جاتتىعۋ كەزىندە فۋتبول قاقپاسى قۇلاعان وقيعا بويىنشا قىلمىستىق ءىس قوزعادى. بۇل تۋرالى infohub.kz سايتى حابارلايدى.
ەلوردالىق پوليسيا دەپارتامەنتىنىڭ مالىمەتىنشە، وقيعا بالا قاقپاعا ءىلىنىپ، قۇرىلىم ونىڭ ۇستىنە قۇلاعان كەزدە بولعان. سالدارىنان بالا جاراقات الىپ، قاجەتتى مەديسينالىق كومەك كورسەتىلۋدە.
پوليسيادا اتاپ وتكەندەي: «قازىرگى ۋاقىتتا تەرگەۋ امالدارى جۇرگىزىلۋدە، وقيعانىڭ بارلىق ءمان-جايى انىقتالۋدا. بالا جاراقات الدى، وعان قاجەتتى مەديسينالىق كومەك كورسەتىلۋدە».
بۇعان دەيىن وقيعا 10 تامىزدا ساعات 19:30 شاماسىندا استاناداعى فۋتبول ءۇيىنىڭ اۋماعىنداعى فۋتبول الاڭىندا بولعانى حابارلانعان بولاتىن. وندا قازاقستان فۋتبول فەدەراسياسى ورنالاسقان. 2017 جىلى تۋعان بالا زارداپ شەكتى. جۋرناليست اسلان قاجەنوۆتىڭ اقپاراتى بويىنشا، جاراقات العان بالا رەانيماسياعا جەتكىزىلگەن.
كەيىن قفف وقيعانىڭ بولعانىن راستاپ، الاڭنىڭ جەكە فۋتبول مەكتەبىنە جاتتىعۋ وتكىزۋ ءۇشىن جالعا بەرىلگەنىن حابارلادى. فەدەراسيا نىسان مەن جابدىقتىڭ تەحنيكالىق جاعدايىنا ىشكى تەكسەرۋ باستاپ، قۇزىرلى ورگاندارعا كومەكتەسۋگە دايىن ەكەنىن مالىمدەدى.