قازاقستان استاناسىندا قاجەتتى ينفراقۇرىلىمى جوق شەتكى اۋدانداردا كوپپاتەرلى تۇرعىن ۇيلەردى سالۋعا ۋاقىتشا تىيىم سالۋ جوسپارلانۋدا. بۇل شەكتەۋ 2035 جىلعا دەيىن كۇشىندە بولۋى مۇمكىن، دەپ حابارلايدى infohub.kz سايتى.
استانا قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى التىنبەك احمەتوۆ قالالىق ءماسليحاتتىڭ VIII سايلانىمداعى كەزەكتەن تىس سەسسياسىندا ءتيىستى نورما قالانىڭ ساۋلەتتىك كەلبەتىن قالىپتاستىرۋ جانە قالا قۇرىلىسىن جوسپارلاۋ قاعيدالارىنا ەنگىزۋدى ۇسىنىپ وتىرعانىن مالىمدەدى.
احمەتوۆتىڭ ايتۋىنشا، وزگەرىستەر ق ر پرەمەر-مينيسترىنىڭ ءبىرىنشى ورىنباسارىنىڭ 2025 جىلعى 10 قاراشاداعى حاتتامالىق تاپسىرماسىن ورىنداۋ ءۇشىن دايىندالعان. شەنەۋنىك قاعيدالار جوباسى ۋاكىلەتتى ورگاندارمەن كەلىسىلگەنىن، قولدانىستاعى زاڭناماعا قايشى كەلمەيتىنىن جانە قۇقىقتىق اكتىلەرگە قويىلاتىن تالاپتارعا سايكەس كەلەتىنىن اتاپ ءوتتى.
وزگەرىستەردى قابىلداۋ قوسىمشا قارجىلىق شىعىنداردى تالاپ ەتپەيدى جانە جەكە كاسىپكەرلىك سۋبەكتىلەرىنە اكىمشىلىك كەدەرگىلەر تۋعىزبايدى، دەپ تۇيىندەدى احمەتوۆ.