قازاقستان استاناسىندا رەسپۋبليكالىق جەدەل-پروفيلاكتيكالىق ءىس-شارا «قۇقىقتىق ءتارتىپ» اياسىندا پوليسيا قىزمەتكەرلەرى 500-دەن استام قۇقىق بۇزۋشىلىقتى انىقتادى. ولاردىڭ ىشىندە ەڭ كوپ تاراعاندارى — كوشى-قون زاڭناماسىن، جول ءجۇرۋ ەرەجەلەرىن، قوعامدىق ءتارتىپ پەن اباتتاندىرۋدى بۇزۋ، سونداي-اق ورتاق پايدالانۋ ورىندارىن لاستاۋ، دەپ حابارلايدى infohub.kz سايتى.
ءىىم ۆەدومستۆولىق سايتىنىڭ حابارلاۋىنشا، استانادا قوعامدىق قاۋىپسىزدىكتى قامتاماسىز ەتۋ، قۇقىق بۇزۋشىلىقتاردىڭ الدىن الۋ جانە جولىن كەسۋ ماقساتىندا جەدەل-پروفيلاكتيكالىق ءىس-شارا جالعاسۋدا. كۇشەيتىلگەن رەجيم كەزىندە پوليسەيلەر تىركەۋسىز نەمەسە جەكە باسىن كۋالاندىراتىن قۇجاتتارسىز تۇراتىن 200-دەن استام ادامدى انىقتادى. 80-نەن استام ادام قوعامدىق ورىنداردا ماس كۇيىندە بولعان. شامامەن 60 فاكت — كامەلەتكە تولماعانداردىڭ تۇنگى ۋاقىتتا زاڭدى وكىلدەرىنسىز تۇرعىن ۇيدەن تىس جەردە بولۋىنا بايلانىستى. سونىمەن قاتار، جاياۋ جۇرگىنشىلەرگە باسىمدىق بەرمەۋگە قاتىستى 50-گە جۋىق بۇزۋشىلىق انىقتالدى.
الكوگول ءونىمىن ساتۋ سالاسىنداعى زاڭناما تالاپتارىنىڭ ساقتالۋىنا ەرەكشە نازار اۋدارىلدى. جەتى بۇزۋشىلىق تىركەلدى. سارىارقا اۋدانىندا پوليسەيلەر ازىق-ت ۇلىك دۇكەندەرىنىڭ بىرىندە 21 جاسقا تولماعان ادامعا الكوگول ساتۋ فاكتىسىن جولىن كەستى. ساۋدا نىسانىنىڭ يەسىنە قاتىستى اكىمشىلىك حاتتاما جاسالدى.
ەسكە سالايىق، بۇعان دەيىن استانا پوليسياسىنىڭ قوعامدىق ءتارتىپتى ساقتاۋ، قۇقىق بۇزۋشىلىقتاردىڭ الدىن الۋ جانە جولىن كەسۋ ءۇشىن كۇشەيتىلگەن قىزمەت رەجيمىنە كوشكەنى حابارلانعان بولاتىن.