قازاقستان استاناسىندا تاعى دا قۇرىلىس كرانى قۇلادى. وقيعا نۇرا اۋدانىنداعى سالىنىپ جاتقان تۇرعىن ءۇي كەشەنىنىڭ اۋماعىندا بولدى، دەپ حابارلايدى infohub.kz سايتى.
استانا پوليسيا دەپارتامەنتىنىڭ مالىمەتىنشە، كراننىڭ قۇلاۋىنا بايلانىستى قىلمىستىق ءىس قوزعالدى. وقيعا سالدارىنان ءبىر ادام وقيعا ورنىندا قازا تاپتى، ال ەكى جاراقاتتانعان اۋرۋحاناعا جەتكىزىلىپ، قاجەتتى مەديسينالىق كومەك كورسەتىلۋدە.
قوعامدىق دەنساۋلىق ساقتاۋ باسقارماسىنىڭ مالىمەتىنشە، مۇنارالى كران №100 مەكتەپتىڭ جانىنداعى سالىنىپ جاتقان عيماراتتىڭ ماڭىندا، كورعالجىن تاس جولىندا قۇلاعان. وقيعا ورنىنا جەدەل جاردەم بريگادالارى كەلدى. ەكى ادام جاراقاتتارىمەن ۇلتتىق شۇعىل مەديسينا ۇيلەستىرۋ ورتالىعىنا جەتكىزىلدى. ءبىر زارداپ شەگۋشىنىڭ جاعدايى اۋىر، ەكىنشى پاسيەنت ستاسيوناردا قاجەتتى مەديسينالىق كومەك الۋدا.
قازىرگى ۋاقىتتا تەرگەۋ جۇرگىزىلىپ، وقيعانىڭ بارلىق ءمان-جايى انىقتالۋدا.
ەسكە سالايىق، 27 تامىزدا قۇرىلىس جۇمىستارى كەزىندە دە قۇرىلىس كرانى قۇلاپ، سالدارىنان كران ءماشينيسى قازا تاپقان بولاتىن.