19 قىركۇيەكتەن باستاپ ەلوردادا اۋىل شارۋاشىلىعى جارمەڭكەلەرى باستالادى. ءار ءوڭىردىڭ فەرمەرلەرى ءوز ونىمدەرىن استانالىقتارعا تىكەلەي ساتادى. قىزىلوردا جانە اتىراۋ وبلىستارىنىڭ تاۋار وندىرۋشىلەرى قاتىساتىن العاشقى جارمەڭكە وسى دەمالىس كۇندەرى — 19 جانە 20 قىركۇيەكتە وتەدى، دەپ حابارلايدى infohub.kz سايتى.
ەلوردا اكىمدىگىنىڭ ءباسپاسوز قىزمەتىنىڭ مالىمەتىنشە، جارمەڭكەلەر 1 قاراشاعا دەيىن دەمالىس كۇندەرى وتەدى.
«وسى دەمالىستا، 19 جانە 20 قىركۇيەكتە ەلوردادا قىزىلوردا جانە اتىراۋ وبلىستارىنىڭ تاۋار وندىرۋشىلەرى قاتىساتىن العاشقى اۋىل شارۋاشىلىعى جارمەڭكەسى وتەدى»، — دەپ حابارلادى اكىمدىكتە.
استاناعا 600 توننادان استام ءونىم اكەلىنەدى. ونىڭ ىشىندە:
260 توننا باقشا ونىمدەرى؛
220 توننا كۇرىش؛
65 توننا بالىق؛
40 توننا ەت جانە ەت ونىمدەرى؛
20 توننادان استام باسقا دا ونىمدەر.
جارمەڭكەدە ەت، بالىق، ءسۇت جانە باكالەيا ونىمدەرىن ساتىپ الۋعا بولادى. تاۋارلاردى وندىرۋشىلەر تىكەلەي ساتادى.
«جارمەڭكە «قازانات» يپپودرومىنىڭ تۇراعى اۋماعىندا، قارقارالى تاس جولى، 1 مەكەنجايى بويىنشا وتەدى. سونداي-اق تۇرعىندار مەن ەلوردا قوناقتارىنا قولايلى بولۋ ءۇشىن جارمەڭكە كەزىندە ونىڭ ورنىنا № 18، 37 جانە 303 اۆتوبۋس باعىتتارى قاتىنايدى»، — دەلىنگەن حابارلامادا.
جارمەڭكە ساعات 9.00-دەن 18.00-گە دەيىن جۇمىس ىستەيدى.
بۇعان دەيىن Kursiv LifeStyle سەنبىدە، 19 قىركۇيەكتە الماتىداعى Villa Boutiques & Restaurants مەيرامحاناسىندا جايلى فەرمەرلىك ماركەت وتەتىنىن جازعان بولاتىن. كەلۋشىلەرگە جەرگىلىكتى ونىمدەر، كوفە، بالمۇزداق، اشىق وتتا پىسىرىلگەن ەت جانە وتباسىلىق ءىس-شارالار ۇسىنىلادى.