قازاقستان استاناسىندا Tarlan Astana (LRT) جەڭىل رەلستى كولىكتىڭ تاعى ءۇش جەلىسىن سالۋ جوسپارلانۋدا. ونىڭ ءبىرى قوسشى قالاسى باعىتىندا ءقازىردىڭ وزىندە سالىنىپ جاتىر، دەپ حابارلايدى infohub.kz سايتى.
كتك تەلەارناسىنىڭ مالىمەتىنشە، جاڭا جەلىلەردىڭ جالپى ۇزىندىعى شامامەن 26،5 شاقىرىمدى قۇرايدى. ۇزىندىعى 9 شاقىرىم بولاتىن ەكىنشى جەلى 9 ستانسيانى قامتيدى جانە سىعاناق كوشەسىنەن تۇران مەن سارىارقا داڭعىلدارى ارقىلى جەڭىس داڭعىلىنا دەيىن ءوتىپ، ەسكى تەمىرجول ۆوكزالىندا اياقتالادى. ۇزىندىعى 8،5 شاقىرىمعا جۋىق ءۇشىنشى جەلى دە سىعاناق كوشەسىنىڭ اۋدانىنان باستالىپ، وسى كوشە بويىمەن ايتماتوۆ كوشەسىنە دەيىن بارادى، 9 ستانسياسى بولادى. جەكە تارماق استانانى قوسشى قالاسىمەن بايلانىستىرادى: ونىڭ قۇرىلىسى ءقازىردىڭ وزىندە بەلسەندى ءجۇرىپ جاتىر، ۇزىندىعى 9 شاقىرىمدى قۇرايدى، ءۇش ستانسياسى بولادى. بۇل جەلىدە قوزعالىستى كەلەسى جىلى ىسكە قوسۋ مۇمكىن، الايدا بۇرىن ايتىلعانداي، بۇل قارجىلاندىرۋعا بايلانىستى.
ەسكە سالايىق، 16 مامىردا قاسىم-جومارت توقايەۆ استاناداعى LRT جۇمىسىنا رەسمي تۇردە باستاۋ بەردى. كەيىن «استانا-1» ۆوكزالى، «جاعالاۋ» تۇرعىن الابى جانە قوسشى قالاسى باعىتتارىندا جاڭا جەلىلەر سالۋ كوزدەلگەنى بەلگىلى بولدى. بيىل قوسشى قالاسى باعىتىندا قۇرىلىس جۇمىستارى دا باستالدى.