استانادا ماس كۇيىندە كولىك جۇرگىزگەن 28 جاستاعى Audi جۇرگىزۋشىسى 15 تاۋلىككە قامالدى. وقيعا وتكەن دەمالىس كۇندەرى بولعان. پاترۋلدەۋ كەزىندە پوليسيا قىزمەتكەرلەرى كولىكتى توقتاتقان. تەكسەرۋ بارىسىندا ەر ادامنىڭ بويىندا ماستىق بەلگىلەرى انىقتالعان. مەديسينالىق كۋالاندىرۋ جەڭىل دارەجەدەگى ماستىقتى راستاعان، دەپ حابارلايدى infohub.kz.
استانا پوليسيا دەپارتامەنتىندە 2026 جىلى ماس كۇيىندە كولىك جۇرگىزگەنى ءۇشىن شامامەن 1000 جۇرگىزۋشى جاۋاپكەرشىلىككە تارتىلعانىن اتاپ ءوتتى. سونىمەن قاتار، قۇقىعىنان ايىرىلعان ادامداردىڭ كولىك جۇرگىزۋىنە بايلانىستى 69 ازامات قىلمىستىق جاۋاپكەرشىلىككە تارتىلدى.
سوت شەشىمىمەن بۇزۋشى 15 تاۋلىككە قاماۋعا الىنىپ، 7 جىلعا كولىك جۇرگىزۋ قۇقىعىنان ايىرىلدى.