استانادا پوليسەيلەر جەرگىلىكتى تۇرعىن ايەلدىڭ كولىگىن توقتاتىپ، سالونىنان تىيىم سالىنعان زاتتار سالىنعان جول سومكەسىن تاپتى. تاركىلەنگەن زاتتىڭ جالپى سالماعى ءبىر كەلىدەن استى، دەپ حابارلايدى infohub.kz سايتى.
ىشكى ىستەر مينيسترلىگىنىڭ ۆەدومستۆولىق سايتى حابارلاعانداي، جەدەل ءىس-شارالار بارىسىندا استانادا ءتارتىپ ساقشىلارى كۇدىكتىنىڭ باسقارۋىنداعى كولىكتى توقتاتتى.
«كولىك سالونىنان جول سومكەسى تابىلدى، ونىڭ ىشىندە اق ءتۇستى، ۇنتاق ءتارىزدى زات قۇيىلعان 20 وراما بولدى. بۇل زات — مەفەدرون»، — دەپ ناقتىلادى قۇقىق قورعاۋ ورگاندارى.
سونىمەن قاتار قىزدى جەكە ءتىنتۋ كەزىندە ۇقساس زاتى بار ءبىر وراما تابىلدى. كۇدىكتى بۇرىن تاستاپ كەتكەن تاعى ءۇش ورامانىڭ ورنىن دا كورسەتتى.
ساراپتاما قورىتىندىسىنا سايكەس، تاركىلەنگەن زات مەفەدرون بولىپ شىقتى. وسى فاكتى بويىنشا قىلمىستىق ءىس قوزعالدى. تابىلعاننىڭ بارلىعى، جالپى سالماعى ءبىر كەلىدەن استام، تاركىلەندى.
«ەسىرتكى قۇرالدارىن ساقتاۋ، تاسىمالداۋ جانە تاراتۋ قىلمىستىق جاۋاپكەرشىلىككە اكەپ سوعادى. ازاماتتاردى بەيجاي قاراماي، ەسىرتكىنىڭ زاڭسىز اينالىمى تۋرالى بەلگىلى بولعان دەرەكتەردى پوليسياعا حابارلاۋعا شاقىرامىز»، — دەپ ەسكە سالدى پوليسيادا.