استانادا 23 جاستاعى فەلدشەر ۇلدانا مىرزۋاننىڭ قايتىس بولۋىنا بايلانىستى سوت پروسەسى ەلوردانىڭ ءۇي باسقارۋشىلارى اراسىندا ۇلكەن رەزونانس تۋدىردى. بۇكىل ەل بويىنشا 400-دەن استام م ۇلىك يەلەرى بىرلەستىگىن بىلدىرەتىن ويب جانە تكشب قاۋىمداستىعىنىڭ جەتەكشىسى ەرلان قاربايەۆ سوتتا ايىپتالۋشى ساۋلە جۇبانيازوۆانى قولداۋعا كەلىپ، ب ا ق وكىلدەرىنە داۋىستاپ مالىمدەمە جاسادى... دەپ حابارلايدى infohub.kz.
ەرلان قاربايەۆ ويب ءتورايىمىنىڭ ۇيدە نەبارى ءۇش اي جۇمىس ىستەگەنىن جانە قاسبەتتىڭ قۇلاۋىن فيزيكالىق تۇرعىدان بولدىرماي الماعانىن اتاپ ءوتتى. ونىڭ پىكىرىنشە، مۇنداي قايعىلى وقيعالار ءۇشىن قىلمىستىق جاۋاپكەرشىلىكتى قۇرىلىس كومپانيالارى كوتەرۋى ءتيىس.
«قۇرىلىسشىلاردىڭ كەمشىلىكتەرى ءۇشىن، تۇرعىن ءۇي قورىمىزدى قاتە سالعانى ءۇشىن ءبىز جاۋاپ بەرمەۋىمىز كەرەك — 5 جىلدان كەيىن دە، 10 جىلدان كەيىن دە. تۇركيادا جەر سىلكىنىسىنەن كەيىن ساپاسىز ۇيلەر ءۇشىن قۇرىلىسشىلاردى جاۋاپقا تارتتى. قاسبەت ءبىرىنشى جەلدەن قۇلاماۋى كەرەك. استانانى «ۇشاتىن قاسبەتتەر قالاسى» دەپ بەكەر اتاماعان. ءقازىر ءتوراعالار اراسىندا بارلىق ۇيلەرىن تاستاپ كەتۋ ماسەلەسى قاراستىرىلىپ جاتىر»، — دەدى قاۋىمداستىق وكىلدەرى.
ءۇي باسقارۋشىلار ويب جەتەكشىلەرىنىڭ كوپشىلىگى ينجەنەر نەمەسە قۇرىلىسشى ەمەس ەكەنىن ەسكە سالدى. ءۇيدىڭ كاسىبي تەحنيكالىق ساراپتاماسىن تۇرعىنداردىڭ كۇشىمەن جۇرگىزۋ مۇمكىن ەمەس. تەكسەرۋ 2،5 ملن تەڭگەدەن باستالادى، ال پاتەر يەلەرى مۇنداي قىزمەتتەرگە ماقساتتى جيناق تولەۋدەن باس تارتادى.
قولدانىستاعى زاڭناما بويىنشا تۇرعىن ءۇي قورىنا مەملەكەتتىك تەحنيكالىق تەكسەرۋ جۇرگىزۋ اكىمدىكتەرگە جەرگىلىكتى بيۋدجەت ەسەبىنەن جۇكتەلگەنىمەن، ءىس جۇزىندە قاراجات تاپشىلىعىنان بۇل نورمالار جۇمىس ىستەمەيدى.
ەسكە سالايىق، استانادا ءۇيدىڭ ويب ءتورايىمى ساۋلە جۇبانيازوۆاعا قاتىستى سوت جالعاسۋدا. ول 2025 جىلعى 8 قاراشاداعى قايعىلى وقيعاعا بايلانىستى ءوز مىندەتتەرىنە ادال ەمەس قاراعانى ءۇشىن ايىپتالۋدا. سول كۇنى 23 جاستاعى جەدەل جاردەم فەلدشەرى ۇلدانا مىرزۋان استاناداعى شاقىرتۋعا كەلگەندە، وعان عيماراتتىڭ كىرپىش قاپتاماسى مەن كونديسيونەردىڭ بەكىتپەسى قۇلاعان ەدى.
سوت وتىرىسىنىڭ ۇزىلىسىندە جۇبانيازوۆا جۋرناليستەر الدىنا شىعىپ، قىلمىستىق ءىس بويىنشا ءوز ۇستانىمىن ايتتى. ويب ءتورايىمى ءوزىن كىناسىز دەپ سانايتىنىن، قايعىلى وقيعانىڭ سەبەبى عيماراتتىڭ جاسىرىن اقاۋلارى مەن ءۇيدىڭ ۇزاق جىلدار بويى پايدالانىلۋى ەكەنىن مالىمدەدى.
ايتا كەتەيىك، سوت عيماراتىندا ءىس قارالىپ جاتقاندا، سىرتتا استانانىڭ ويب ءتوراعالارىنىڭ ونداعان وكىلى جينالىپ، ايىپتالۋشى ارىپتەسىن قولداپ، زاڭناماداعى جۇيەلى ماسەلەنى جەتكىزۋدى كوزدەدى.