استانادا بەس جاسار بالا تۇرعىن ءۇيدىڭ اۋلاسىنداعى ويىن الاڭىندا توك سوققىسىنان زارداپ شەكتى. قاسىندا قۇرىلىس جۇمىستارى ءجۇرىپ جاتقان. وقيعا جەكسەنبى كۇنى تۇستە بالا قۇمسالمادا ويناپ جۇرگەن كەزدە بولعان. كوزازىلدەردىڭ ايتۋىنشا، ءقاۋىپتى كابەل ويىن الاڭىنىڭ ءدال ورتاسىنان وتكەن، ءبىر جەردە سىم اشىق قالعان. ءۇي تۇرعىندارى قۇرىلىسشىلاردى ءقاۋىپ تۋرالى بىرنەشە رەت ەسكەرتكەن، ءبىراق كومپانيا كابەلدى جاي عانا توپىراقپەن كومىپ تاستاعان. قايعىلى وقيعا قارساڭىندا سىم ۇشقىنداپ تۇرعان، الايدا ەشكىم نازار اۋدارماعان. توك سوققىسىنان بالا كۇيىك الىپ، اۋرۋحاناعا جات قىزىلدى، دەپ حابارلايدى infohub.kz.
استانا اكىمدىگى تۇرعىنداردىڭ ءوتىنىشى بويىنشا قۇرىلىس ۇيىمىنا كابەل توسەۋگە قاتىستى بىرنەشە رەت ەسكەرتۋ جاسالعانىن حابارلادى. شىلدە ايىنىڭ سوڭىندا كومپانيا وكىلدەرىنىڭ قاتىسۋىمەن اۋماقتى ارالاۋ وتكىزىلىپ، ولارعا بۇزۋشىلىقتى جويۋ قاجەتتىگى قايتا كورسەتىلگەن. الايدا وقيعا كورسەتكەندەي، شارالار قابىلدانباعان. وسى فاكتى بويىنشا قىلمىستىق ءىس قوزعالدى. ءقازىر كابەل توكتان اجىراتىلعان جانە ءقاۋىپ توندىرمەيدى.
استانا قوعامدىق دەنساۋلىق ساقتاۋ باسقارماسى بالانىڭ رەانيماسيا بولىمىندە اۋىر، ءبىراق تۇراقتى جاعدايدا ەكەنىن ناقتىلادى. دارىگەرلەر قارقىندى تەراپيا جۇرگىزىپ، پاسيەنتكە قاجەتتى بارلىق مەديسينالىق كومەكتى كورسەتۋدە.